Mem si Zeova pa ti ankor donn enn lalwa kont lidolatri, Zakob ti kone ki nou bizin ador zis Zeova tousel. (Ex 20:3-5) Akoz sa, kan Zeova ti dir li retourn Betel, Zakob ti demann zot tou pou tir zot bann zidol. Lerla Zakob ti bril tou bann zidol ek mem bann zanon, ki kitfwa ti pe servi kouma bann portboner. (Ze 35:1-4) Pena dout ki bann aksion Zakob ti fer Zeova plezir.

Azordi, kouma eski nou kapav res atase zis ar Zeova? Enn kitsoz bien inportan ki nou bizin fer se evit tou seki lie ar lidolatri ouswa spiritis. Sa inplik zet ninport ki zafer ki ena enn lien avek bann kitsoz sirnatirel ek examinn bien nou bann divertisman. Par exanp, demann tomem: ‘Eski mo kontan bann liv ouswa bann fim kot ena bann vanpir, bann zonbi, ouswa bann kitsoz sirnatirel? Eski dan mo bann divertisman bann kitsoz kouma mazik, zet bann sor, ouswa bann malediksion paret kouma enn divertisman ki pena okenn danze?’ Nou bizin res bien lwin ar ninport ki kitsoz ki Zeova deteste.​—Ps 97:10.

GET VIDEO “OPOZ ZOT AR DIAB,” EK APRE SA, REPONN SA BANN KESTION-LA:

• Ki problem enn etidian Labib ki apel Vanessa ti gagne?

• Kifer kan ena bann problem konsernan spiritis, li saz ki nou rod led bann ansien?

• Ki bann kitsoz nou bizin debarase, si nou anvi gagn proteksion Zeova?

• Ki kitsoz inportan Vanessa ti fer?

• Sit sertin fason kouma to kapav evit linflians bann demon dan to landrwa.