KIFER LI INPORTAN: Bann Kretien ki ena lesperans pou al dan lesiel ek bann lezot brebi invit tou sort kalite dimounn pou ‘pran delo lavi gratis.’ (Rev 22:17) Sa delo sinbolik la reprezant tou bann dispozision ki Zeova inn pran pou sov bann dimounn ki obeisan ar pese ek lamor. Pou ki nou kapav ed bann dimounn ki ena bann diferan koutim ek krwayans relizie, nou bizin prezant “mesaz Bonn Nouvel eternel” dan enn fason ki pou atir zot personelman.​—Rev 14:6.

KOUMA TO KAPAV FER SA:

• Swazir enn size ek enn verse ki pou tous leker bann dimounn dan to teritwar. To kapav swazir enn model konversasion ouswa enn lot kitsoz ki to’nn deza eseye ek ki’nn marse. Ki bann size ek bann verse ki bann dimounn kontan? Eski ena enn size dan linformasion lor ki bann dimounn pe panse ek koze? Ki kitsoz ki pou tous enn misie ouswa enn madam?

• Servi bann salitasion ek respekte bann koutim ki ena dan teritwar kot to prese.​—2Ko 6:3, 4

• To bizin konn bann piblikasion ek video ki ena dan nou Kes Zouti pou Ansegne, pou ki to kapav partaz sa avek enn kikenn ki montre lintere

• Download bann piblikasion ek bann video dan bann lang ki kitfwa bann dimounn dan to teritwar koze

• Adapte to size ar seki dimounn-la bizin. (1Ko 9:19-23) Par exanp, ki to pou dir si to aprann ki dimounn-la fek perdi enn kikenn dan lamor?

GET VIDEO, EK APRE SA, REPONN SA BANN KESTION-LA:

• Lor ki size proklamater-la koumans so konversasion?

• Ki ti pe pase dan lavi sa dimounn-la?

• Ki verse ti pli apropriye dan sa sitiasion-la, ek kifer?

• Kouma to adapte to konversasion pou tous leker bann dimounn dan to teritwar?