NOU LAVI KRETIEN
Avek Pasians ek Landirans, Kontign Atann
Depi komie letan to pe atann ki Rwayom Bondie vini? Eski to pe andire avek pasians malgre bann difikilte? (Rom 8:25) Sertin Kretien fer fas ar laenn ek persekision, sertin al dan prizon ek sertin mem gagn menas ki pou touy zot. Boukou fer fas ar bann leprev, kouma par exanp, enn maladi kronik ouswa vieyes.
Kan nou pe fer fas ar ninport ki difikilte, ki pou ed nou pou kontign atann avek pasians? Nou bizin nouri nou lafwa kan nou lir Labib toulezour ek medit lor seki nou lir. Nou bizin gard nou lizie fixe lor nou lesperans. (2Ko 4:16-18; Eb 12:2) Nou bizin sipliye Zeova dan lapriyer ek kontign demann Li avek tou nou leker pou donn nou lafors so lespri sin. (Lk 11:10, 13; Eb 5:7) Nou Papa ki bien kontan nou kapav ed nou pou “andir tou avek pasians ek lazwa.”—Kol 1:11, NW.
GET VIDEO NOU BIZIN “GALOUP AVEK LANDIRANS”—ENA KONFIANS KI TO POU GAGNE, EK APRE SA, REPONN SA BANN KESTION-LA:
-
Ki ‘bann sitiasion ki nou pa atann’ kapav ariv nou dan lavi? (Ek 9:11)
-
Kouma lapriyer ed nou kan nou fer fas ar bann difikilte?
-
Si dan nou servis pou Zeova nou nepli kapav fer kouma avan, kifer nou bizin konsantre lor seki nou ankor kapav fer?
-
Kontign gard to lizie lor to lesperans
Ki ed twa pou kontign ena konfians ki to pou gagne?
