Dapre enn diksioner, enn kamarad se enn kikenn “ki atase ar enn lot dimounn parski li kontan li.” Par exanp, apre ki David ti touy Goliat, li ek Zonatan ti vinn bann extra bon kamarad. (1Sa 18:1) Sakenn ti ena bann kalite ki ti atir zot kamarad. Sa montre ki bann lamitie solid zot baze lor enn bon konesans. An zeneral, nou bizin fer zefor ek sa pran letan pou aprann konn enn dimounn. Parkont, lor bann rezo sosial, bann dimounn fer bann kamarad bien vit. Kifer? Parski li fasil pou bann dimounn kasiet kisannla zot ete vremem. Par exanp, lor bann rezo sosial bann dimounn kapav kontrol seki zot dir ek seki lezot kapav trouve lor zot. Alor li inportan ki to reflesi bien kisannla to pou aksepte kouma kamarad. Ek si enn kikenn ki to pa kone demann twa pou vinn so kamarad lor rezo sosial, pa per pou refize mem si to panse ki sa pou bles li. Akoz bann danze ki ena lor bann rezo sosial, sertin inn swazir pou pa servi zot ditou. Me si twa to swazir pou servi enn rezo sosial, ki bann kitsoz to bizin fer atansion?

GET VIDEO FER ATANSION LOR BANN REZO SOSIO, EK APRE SA, REPONN SA BANN KESTION-LA:

• Lor ki bann kitsoz to bizin reflesi avan ki to poste bann komanter ek bann foto?

• Kifer to bizin swazir bien to bann kamarad lor bann rezo sosial?

• Kifer to bizin fixe bann limit lor kantite letan ki to pase lor bann rezo sosial?​—Ef 5:15, 16, NW