1e-7 Avril
PSOM 23-25
Kantik 4 ek Lapriyer | Parol Introdiksion (1 min.)
1. ‘Zeova Limem Mo Berze’
(10 min.)
Zeova gid nou (Ps 23:1-3; w11 1/6 11 ¶3)
Zeova protez nou (Ps 23:4; w11 1/6 11 ¶4)
Zeova nouri nou (Ps 23:5; w11 1/6 11 ¶5)
Zeova pran swin so bann serviter parey kouma enn bon berze pran swin so bann mouton.
DEMANN TOMEM: ‘Kouma eski Zeova inn pran mwa swin personelman?’
2. Bann Perl Spiritiel
(10 min.)
Ps 23:3, NW—Ki “bann semin lazistis” reprezante, ek ki pou ed nou pou res lor sa bann semin-la? (w11 1/2 24 ¶1-3)
Ki perl spiritiel to finn trouve dan lektir Labib sa semenn-la?
3. Lektir Labib
(4 min.) Ps 23:1–24:10 (th leson 5)
4. Koumans enn Konversasion
(3 min.) PRESE DAN ENN FASON INFORMEL. Partaz enn verse Labib ankourazan avek enn dimounn ki dir twa ki li gagn traka akoz bann dimounn pe detrir lanvironnman. (lmd leson 2 pwin 5)
5. Vizit
(4 min.) LAKAZ-LAKAZ. Montre enn dimounn ki’nn aksepte brosir Viv Ere pou Touletan! kouma enn letid Labib deroule. (lmd leson 9 pwin 3)
6. Fer Bann Disip
(5 min.) lff leson 14: Pwin 4 (lmd leson 11 pwin 3)
Kantik 54
7. Nou Rezet Lavwa Bann Etranze
(15 min.) Partisipasion lasistans.
Bann mouton rekonet lavwa zot berze ek zot swiv li. Parkont, zot sove kan zot tann enn etranze parski zot pa konn so lavwa. (Zn 10:5) Dan mem fason, nou osi nou fer konfians ek swiv lavwa nou bann bon Berze, Zeova ek Zezi. (Ps 23:1; Zn 10:11) Me nou rezet lavwa bann etranze ki rod afebli nou lafwa par “bann fos parol.”—2Pi 2:1, 3.
Zenez sapit trwa koz lor premie fwa ki ti tann lavwa enn etranze lor later. Satan ti koz avek Ev atraver enn serpan parski li pa ti anvi montre kisann-la li ete vremem. Li ti fer koumadir li ti kamarad avek Ev, lerla li’nn koz manti lor seki Zeova ti dir ek lor So lintansion. Malerezman, Ev inn ekout so lavwa ek konsekans, sa inn amenn boukou soufrans lor li ek lor so fami.
Zordi Satan pe sey fer nou ena dout lor Zeova ek so lorganizasion kan li fann bann kitsoz negatif, bann demi verite ek bann fos linformasion. Kan nou tann lavwa enn etranze, nou bizin sove! Parski si nou ekout lavwa enn etranze, mem pou enn ti moman, sa pou danzere pou nou. Ki kantite mo Satan finn servi pou anbet Ev dan sa ti konversasion ki zot ti gagne la? (Ze 3:1, 4, 5) Ki nou pou fer si, avek bann bon lintansion, enn dimounn ki kontan nou dir nou bann kitsoz negatif lor Zeova ek so lorganizasion?
Zwe VIDEO Rezet “Lavwa Bann Etranze.” Apre sa, demann lasistans:
Ki to’nn aprann dan fason ki Jade ti azir kan so mama ti pe partaz bann kitsoz negatif lor Zeova ek so lorganizasion?
8. Letid Biblik Lasanble
(30 min.) bt sapit 8 ¶1-4, bann lankadre lor paz 61-62
