29 Avril–5 Me
PSOM 34-35
Kantik 10 ek Lapriyer | Parol Introdiksion (1 min.)
1. Loue Zeova Touletan
(10 min.)
David ti loue Zeova mem kan li ti pe pas par bann sitiasion difisil (Ps 34:1; w07 1/3 25 ¶11)
David pa ti donn limem loner, me li ti donn Zeova loner (Ps 34:2-4; w07 1/3 26 ¶13)
Kan David ti loue Zeova, sa ti fortifie so bann kamarad (Ps 34:5; w07 1/3 26 ¶15)
Apre ki David ti sorti kot Abimelek, 400 zom ki pa ti kontan lerwa Sail, ti al zwenn ansam ar David dan dezer. (1Sa 22:1, 2) Li posib ki David ti pe pans sa bann zom-la kan li ti ekrir sa psom-la.—Dapre not ki ena lao Ps 34.
DEMANN TOMEM: ‘Dan prosin renion, kouma mo kapav loue Zeova kan mo pe koz avek enn kikenn?’
2. Bann Perl Spiritiel
(10 min.)
-
Ps 35:11—Kouma sa verse-la ti realize dan lepok Zezi? (w11 1/8 16 ¶9)
-
Ki perl spiritiel to finn trouve dan lektir Labib sa semenn-la?
3. Lektir Labib
(4 min.) Ps 34:1-22 (th leson 5)
4. Koumans enn Konversasion
(2 min.) PRESE DAN ENN FASON INFORMEL. Konversasion-la termine avan ki to reisi partaz enn verite Biblik. (lmd leson 1 pwin 4)
5. Vizit
(4 min.) PRESE DAN ENN FASON INFORMEL. (lmd leson 2 pwin 4)
6. Explik To Krwayans
(5 min.) Demonstrasion. ijwfq 59—Tem: Kouma Bann Temwin Zeova Kone si enn Fet Li Bon Ouswa Li Pa Bon? (th leson 17)
Kantik 59
7. Trwa Fason pou Loue Zeova dan Nou Bann Renion
(15 min.) Partisipasion lasistans.
Dan nou bann renion, nou gagn bann zoli lokazion pou loue Zeova. Anou get trwa fason pou fer sa.
Bann konversasion: Kan to koz avek lezot, koz lor bonte Zeova. (Ps 145:1, 7) Eski to’nn tann ouswa lir enn kitsoz ki’nn ed twa? Eski to’nn gagn enn bon rezilta dan predikasion? Eski seki enn kikenn inn fer pou twa ouswa inn dir twa, inn ankouraz twa? Eski to’nn trouv enn kitsoz dan kreasion Zeova ki’nn inpresionn twa? Tousala se bann kado Zeova! (Zak 1:17) Alor, fer zefor pou ariv renion inpe pli boner pou ki to gagn letan pou koz avek lezot.
Bann komanter: Esey donn omwin enn repons pandan sak renion. (Ps 26:12) To kapav donn enn repons direk pou kestion ki’nn poze, fer enn komanter lor enn lide segonder, lor enn verse, lor zimaz, ouswa fer enn aplikasion. Li posib ki lezot pou lev lame anmemtan ki twa, alor prepar plizir komanter. Ek esey fer bann komanter ki pa depas 30 segonn pou ki pli boukou dimounn kapav “ofer Bondie enn sakrifis louanz.”—Eb 13:15.
Bann kantik: Sant bann kantik avek tou to leker. (Ps 147:1) Kitfwa to pa pou reisi reponn dan sak renion, sirtou si to dan enn gran lasanble. Parkont, touletan to gagn lokazion pou sant bann kantik. Mem si to panse ki to pa sant bien, kan to sant avek tou to leker, sa fer Zeova vremem plezir! (2Ko 8:12) To kapav pratike alavans lakaz pou sant bann kantik-la.
Zwe VIDEO Nou Zistwar Nou Leritaz—Bann Kantik, Bann Kado ki Ena Boukou Valer, Parti 1. Apre sa, demann lasistans:
Depi koumansman lorganizasion Zeova, kouma So bann serviter inn montre ki sant bann kantik pou loue Zeova li inportan?
8. Letid Biblik Lasanble
(30 min.) bt sapit 9 ¶1-7, introdiksion parti 3 ek lankadre lor paz 70
