Kan nou pe fer bann vizit ouswa bann letid Labib, nou bizin ed bann ki pe ekout nou pou konpran bann lide inportan. Kan nou servi bann lexanp pou explik sa bann pwin-la, nou kapav tous zot leker ek ed zot pou rapel sa bann pwin-la.

Kan to pe prepar enn vizit ouswa enn letid Labib, swazir bann lide inportan ek pa bann ti detay. Lerla, rod bann lexanp ki sinp ek ki baze lor nou lavi toulezour. (Mt 5:14-16; Mk 2:21; Lk 14:7-11) Pran kont bann kitsoz ki interes dimounn-la ek seki ena otour li. (Lk 5:2-11; Zn 4:7-15) Kan to pou trouv lazwa ki li gagne kan li’nn konpran enn pwin, sa pou fer twa osi gagn lazwa.

GET VIDEO GAGN LAZWA POU FER BANN DISIP​—AMELIOR TO BANN KAPASITE KAN TO​—SERVI BANN LEXANP POU EXPLIK BANN LIDE INPORTAN, EK APRE SA, REPONN SA BANN KESTION-LA:

• Kifer bann etidian Labib bizin led pou konpran bann verse?

• Kouma eski Neeta ti servi enn lexanp pou explik lide inportan ki ena dan Romin 5:12?

• Ki lefe bann bon lexanp kapav ena lor bann dimounn ki pe ekout nou?

• Dan nou minister, kifer li inportan ki nou servi bann video ek bann lezot zouti pou ansegne ki lorganizasion Zeova donn nou?