Dan so minister, Zezi ti servi bann levennman ki ti fek pase pou ansegn bann dimounn. (Lk 13:1-5) Twa osi, to kapav servi bann levennman ki pe arive otour twa pou ogmant lintere bann dimounn lor mesaz Rwayom Bondie. Par exanp, to kapav koz lor kouma lavi inn vinn ser, enn katastrof natirel, lager, problem ladrog, ouswa lezot kitsoz. Apre sa, to kapav poz enn kestion ki pou fer dimounn-la reflesi, kouma: “Eski ou panse enn zour sa pou fini?” ouswa “Eski ou panse ena enn solision pou sa problem-la?” Lerla, partaz enn verse Labib ki koz lor la. Si dimounn-la montre lintere, montre li enn video ouswa enn piblikasion ki ena dan nou Kes Zouti pou Ansegne. Amezir ki nou pe fer bann zefor pou tous leker bann dimounn dan nou teritwar, anou “fer tousala pou Bonn Nouvel.”​—1Ko 9:22, 23.

Ki bann size ki kapav interes bann dimounn dan to teritwar?