• Ps 36:6—Ki sa ekrivin psom la ti pe rod dir kan li dir ki lazistis Zeova kouma “montagn ki pli ot”? (it-2-F 341 ¶7)

  To repons

• Ki perl spiritiel to finn trouve dan lektir Labib sa semenn-la?

  To repons

Akoz bann katastrof natirel ek bann katastrof ki arive akoz bann dimounn, nou bann frer ek ser dan lemond antie inn perdi boukou kitsoz materyel ek osi bann dimounn ki zot kontan inn mor. (Ps 9:9, 10) Malerezman, bann maler koumsa kapav ariv nou tou ninport kan. Se akoz sa ki nou bizin prepar nou pou fer fas ar sa bann sitiasion-la.

Li bon ki nou prepar bann kitsoz pratik ki pou ed nou pou sirviv enn katastrof. a Me, ki bann lezot kitsoz nou kapav fer osi?

• Prepar to lespri: Aksepte ki bann katastrof kapav arive ek reflesi ki to pou fer dan sa sitiasion-la. Pa atas twa plis ki bizin ar bann kitsoz ki to ena. Sa pou ed twa pou azir avek sazes ek pou fer seki pli inportan dan sa moman-la, setadir sap to lavi ek lavi lezot, olie ki to esey sov to bann kitsoz materyel. (Ze 19:16; Ps 36:9) Ek osi, to pa pou tro afekte si zame to perdi to bann kitsoz materyel apre ki enn katastrof arive.—Ps 37:19

• Gard to lafwa for: To bizin sir ki Zeova kapav ek anvi pran twa swin. (Ps 37:18) Avan ki enn katastrof arive, prepar to lespri ek kontign rapel ki Zeova pou gid so bann serviter ek soutenir zot, mem si li arive ki to perdi tou seki to ena.—Zr 45:5; Ps 37:23, 24

Kan nou ena konfians ki Zeova pou realiz so bann promes, nou sir ki ‘li pou protez nou kan nou dan difikilte.’—Ps 37:39.

Zwe VIDEO Eski To’nn Pare pou enn Katastrof? Apre sa, demann lasistans:

• Kouma eski Zeova kapav ed nou kan enn katastrof arive?

  To repons

• Ki bann kitsoz nou bizin fer pou prepar nou bien?

  To repons

• Ki nou kapav fer pou ed bann ki’nn pas par enn katastrof?

  To repons