KIFER LI INPORTAN: Prese par telefonn se enn fason inportan pou “rann temwaniaz afon lor bon nouvel.” (Zis 20:24) * Kan bann sitiasion pa permet nou zwenn bann dimounn personelman, prese par telefonn permet nou zwenn zot.

KOUMA TO KAPAV FER SA:

• Prepar twa. Swazir enn size ki pou interes bann dimounn. Apre sa, fer enn ti plan lor seki to anvi dir. To kapav osi prepar enn ti mesaz ki explik rezon kifer to pe telefone, si arive to tom lor enn reponder. Li ti pou bon si to asiz pre ar enn latab kot to ena to plan ek bann lezot kitsoz ki to bizin, kouma par exanp, enn laparey elektronik kot JW Library^® ouswa jw.org^® ouver

• To bizin rilax. Koz dan enn fason natirel. Fer enn sourir ek bann zes koumadir dimounn-la devan twa. Evit fer bann poz initil. Sa kapav ed twa si to travay ansam avek lezot proklamater. Si dimounn-la poz twa enn kestion, repet li for pou ki proklamater ki avek twa la kapav ed twa pou trouv repons-la

• Prepar terin pou enn vizit. Si dimounn-la montre ki li interese, to kapav poz enn kestion ki to pou reponn prosenn fwa ki to sonn li. To kapav osi propoz li pou avoy enn piblikasion par lapos ouswa par e-mail, ouswa pou vinn kit li personelman. Ouswa to kapav avoy li enn nou bann video ouswa enn nou bann lartik par mesaz ouswa par e-mail. Swazir bon moman pou montre li enn kitsoz presi lor nou sit Internet