18-24 Novam
PSOM 107-108
Kantik 7 ek Lapriyer | Parol Introdiksion (1 min.)
1. “Remersie Zeova, Parski Li Bon”
(10 min.)
Parey kouma Zeova ti delivre Izrael ar Babilonn, Zeova finn delivre nou ar lemond Satan (Ps 107:1, 2; Kol 1:13, 14)
Kan nou ena rekonesans anver Zeova, sa motiv nou pou loue li dan lasanble (Ps 107:31, 32; w07 1/5 8 ¶2)
Nou rekonesans pou Zeova ogmante kan nou reflesi lor tou seki li’nn fer pou nou (Ps 107:43; w15 15/1 9 ¶4)
2. Bann Perl Spiritiel
(10 min.)
-
Ps 108:9—Kifer ti konpar Moab ar Bondie so “kivet”? (it-2-F 303 ¶5)
-
Ki perl spiritiel to finn trouve dan lektir Labib sa semenn-la?
3. Lektir Labib
(4 min.) Ps 107:1-28 (th leson 5)
4. Koumans enn Konversasion
(3 min.) PRESE DAN ENN FASON INFORMEL. (lmd leson 1 pwin 4)
5. Vizit
(4 min.) PRESE DAN ENN FASON INFORMEL. Dir dimounn-la ki li kapav gagn enn letid Labib, ek donn li enn kart vizit pou enn letid Labib. (lmd leson 9 pwin 3)
6. Diskour
(5 min.) ijwyp-F 90—Tem: Ki Mo Kapav Fer pou Evit Ena Bann Panse Negatif? (th leson 14)
Kantik 46
7. Nou Sante pou Remersie Zeova
(15 min.) Partisipasion lasistans.
Bann Izraelit ti bien per kan zot ti fer fas ar larme bien pwisan bann Ezipsien kot Lamer Rouz. Me apre ki Zeova ti delivre zot, zot ti sant enn sante pou exprim zot rekonesans pou seki Zeova ti fer pou zot. (Ex 15:1-19) Se bann zom ki ti koumans sant sa nouvo sante-la. (Ex 15:21) Zezi ek bann premie Kretien osi ti sant bann louanz pou Bondie. (Mt 26:30; Kol 3:16) Azordi osi, nou pe kontign sant bann kantik dan nou bann renion ek bann lasanble pou montre nou rekonesans anver Zeova. Par exanp, kantik ki nou’nn fek sante, “Mersi Zeova,” nou pe sant sa kantik-la dan nou bann renion depi 1966.
Ena panse ki zot lavwa kanar, akoz sa zot prefer pa sante. Ek dan sertin kiltir, bann misie gagn onte pou sante devan lezot. Me selman, nou bizin rapel ki sant bann kantik dan nou bann renion, sa form parti nou ladorasion pou Zeova. Lorganizasion Zeova fer boukou zefor pou prepar bann zoli sante ek osi pou swazir ki kantik nou pou sante dan sak renion. Tou seki nou nou ena pou fer, se sant ansam avek nou bann frer ek ser pou montre nou rekonesans anver nou Papa ki dan lesiel.
Zwe VIDEO Nou Zistwar Nou Leritaz—Bann Kantik, Bann Kado ki Ena Boukou Valer, Parti 2. Apre sa, poz lasistans sa bann kestion-la:
-
Ki ti arive an 1944?
-
Kouma nou bann frer ek ser dan Siberi ti montre ki zot bien kontan sant bann kantik?
-
Kifer sante li bien inportan pou bann Temwin Zeova?
8. Letid Biblik Lasanble
(30 min.) bt sapit 18 ¶6-15
