Apartir Septam, pou ena enn nouvo model prezantasion ki apel “Ansegn Laverite” dan Nou Lavi Kretien ek Nou Minister—Kaye Renion. Nou lobzektif se montre enn verite debaz ki ena dan Labib, atraver enn kestion ek enn verse.

Si nou remarke ki dimounn-la interese, nou kapav prepar terin pou vizit li kan nou donn li enn piblikasion ouswa montre li enn video ki ena lor jw.org. Nou bizin esey retourne de-trwa zour apre pou kontign konversasion ki nou ti gagne. Sa bann nouvo model prezantasion la ek bann devwar zelev pou baze lor rezime sak sapit dan liv Ki Labib Kapav Ansegn Nou? (pa disponib an Kreol Morisien.) Sa liv-la se enn version sinplifie liv Ki la Bible enseigné? Dan sa bann rezime-la, ena lezot kestion ek verse ki nou kapav servi pou fer bann vizit ouswa bann letid zis avek Labib.

Ena enn sel semin ki fer nou gagn lavi eternel. (Mt 7:13, 14, NW.) Dan predikasion, nou koz avek bann dimounn ki dan diferan relizion ek kiltir. Akoz sa, nou bizin montre bann verite ki pou tous sa bann dimounn-la. (1Tim 2:4) Plis nou konn bann size ki baze lor Labib ek amelior nou kapasite pou “servi parol laverite kouma bizin,” plis nou lazwa pou ogmante, ek nou pou gagn bann bon rezilta kan nou ansegn laverite.—2Tim 2:15, NW.