Enn atlet bizin kontign antrene pou res an-form. Dan mem fason, nou bizin kontign fer zefor pou antrenn ek gard nou bann kapasite pou diserne. (Eb 5:14, NW) Bien souvan nou kapav ena tandans pou fer parey kouma lezot, me nou bizin fer zefor pou reflesi ek pran nou bann prop desizion. Kifer? Parski sakenn pou bizin rann bann kont pou bann desizion ki li’nn pran.​—Rom 14:12.

Fode pa nou panse ki nou pou pran bann bon desizion zis parski sa fer lontan ki nou batize. Pou ki nou kapav pran bann desizion ki saz, nou bizin fer Zeova, so Parol ek so lorganizasion, enn konfians total.​—Zo 1:7, 8; Pr 3:5, 6; Mt 24:45, NW.

GET VIDEO “GARD ENN KONSIANS KLER,” EK APRE SA, REPONN SA BANN KESTION-LA:

• Ki desizion Emma ti bizin pran?

• Dan bann sitiasion kot sa konsern konsians enn dimounn, kifer li inportan ki nou evit donn nou lopinion personel?

• Ki bon konsey enn koup ti donn Emma?

• Kotsa Emma ti trouv bann linformasion ki pou ed li dan so sitiasion?