NOU LAVI KRETIEN

Ed Bann Dimounn ki Pa Relizie pou Konn Zot Kreater

ZWE

Eski to ezite pou pres avek bann dimounn ki pa relizie, ek to panse ki zot pa pou ekoute? Si wi, pa bliye ki boukou dimounn ki pa ti relizie, ek mem bann ki ti ate, inn vinn bann Temwin Zeova. Souvan, zot ti zis bizin enn ti led pou examinn bann prev ki Bondie existe.—Rom 1:20; 10:14.

GET VIDEO PA BLIYE—BANN DIMOUNN KI PENA LAFWA KAPAV GAGN LAFWA!—BANN DIMOUNN KI PA KRWAR DAN BONDIE, EK APRE SA, REPONN SA KESTION-LA:

Kouma lexperyans Tommaso kapav ed twa kan to ena pou pres avek bann dimounn ki pa relizie?

To repons

Seki to kapav fer

Si enn dimounn dir ki li pa krwar dan Bondie, avek takt ek zantiyes, montre li ki to vremem interese ar seki li panse. (2Tim 2:24) Koz lor bann size ki kapav interes li. Eski li dakor pou koz lor bann prev ki’nn ed boukou dimounn pou krwar dan enn Kreater? Si wi, servi bann piblikasion ek bann video ki’nn fer pou bann size koumsa. Finn azout bann brosir La vie a-t-elle été créée ? ek Cinq questions à se poser sur l’origine de la vie (disponib an Franse ek an Angle) dan nou Kes Zouti pou Ansegne pou ki li pli fasil trouv zot.

Si to ezite pou koumans koz lor laverite avek enn dimounn ki pa krwar dan Bondie, kitfwa to kapav rod led avek enn proklamater ki ena lexperyans. Pa bliye osi ki Zeova kapav ed nou pou tous leker bann dimounn ki sinser, mem si o-koumansman zot pa krwar ki li existe.—Zis 13:48.

KAYE RENION LAVI KRETIEN EK PREDIKASION