7-13 Oktob
PSOM 92-95
Kantik 84 ek Lapriyer | Parol Introdiksion (1 min.)
1. Servi Zeova Samem Meyer Lavi ki Ena!
(10 min.)
Zeova merit nou ladorasion (Ps 92:1, 4; w18.04 28 ¶5)
Li ed so pep pou pran bann bon desizion pou ki zot ere (Ps 92:5; w18.11 23 ¶8)
Bann ki kontign servi Zeova mem pandan zot vie zour, zot ena boukou valer pou Zeova (Ps 92:12-15; w20.01 19 ¶18)
DEMANN TOMEM: ‘Ki anpes mwa pou vwe mo lavi ar Zeova ek pran batem?’
2. Bann Perl Spiritiel
(10 min.)
-
Ps 92:5—Kouma sa bann mo-la dekrir bien sazes Zeova? (cl-F 211 ¶18)
-
Ki perl spiritiel to finn trouve dan lektir Labib sa semenn-la?
3. Lektir Labib
(4 min.) Ps 94:1-23 (th leson 5)
4. Koumans enn Konversasion
(4 min.) PRESE DAN ENN FASON INFORMEL. Kan to pe koz ar dimounn-la, kree enn lokazion pou koz lor travay ki to fer antan ki enn ansegnan Labib. (lmd leson 5 pwin 3)
5. Vizit
(3 min.) PRESE DAN ENN FASON INFORMEL. Propoz enn letid Labib ar enn dimounn ki interese, me ki finn deza refiz pou etidie dan lepase. (lmd leson 8 pwin 4)
6. Fer Bann Disip
(5 min.) Gagn enn konversasion avek to etidian Labib ki pa pe progrese. (lmd leson 12 pwin 5)
Kantik 5
7. Kan Bann Zenn Fer Fas ar Langwas
(15 min.) Partisipasion lasistans.
Bann ki servi Zeova zot osi zot fer fas ar langwas. Par exanp, David ti santi li angwase plizir fwa dan so lavi, ek azordi boukou nou bann frer ek ser osi fer fas ar mem problem. (Ps 13:2; 139:23) Malerezman, mem bann zenn zot santi zot angwase. Parfwa bann kitsoz sinp, kouma al lekol ouswa al renion, kapav paret difisil pou zot. Zot kapav mem gagn bann kriz panik ouswa mem pans pou swisid zot.
Zenn, si zame to santi twa angwase, koz sa ar to paran ouswa ar enn adilt ki ena matirite. Pa bliye priye Zeova pou demann li so led. (Fil 4:6) Li pou ed twa. (Ps 94:17-19; Iz 41:10) Anou get lexanp Steing.
Zwe VIDEO Zeova Inn Pran Mwa Bien Swin. Apre sa, poz lasistans sa bann kestion-la:
• Ki verse Labib ti ed Steing, ek kifer?
• Kouma Zeova ti pran li swin?
Paran, to kapav ed to zanfan pou fer fas ar langwas. Pran letan pou ekout li, montre li ki to kontan li, ek kontign ed li pou trouve ki Zeova bien kontan li. (Tit 2:4; Zak 1:19) Kont lor Zeova pou gagn rekonfor ek lafors ki to bizin pou to kapav soutenir to zanfan.
Kitfwa nou pa kone kisann-la dan nou lasanble pe soufer akoz langwas ouswa nou pa konpran seki zot resanti. Me mem sa, nou kapav ede pou ki zot tou dan lasanble santi ki nou kontan zot ek ki zot ena zot plas dan lasanble.—Pr 12:25; Eb 10:24.
8. Letid Biblik Lasanble
(30 min.) bt sapit 16 ¶6-9, lankadre lor paz 132
