Labib ti profetize ki Satan pou persekit nou avek lobzektif pou aret nou travay predikasion. (Zn 15:20; Rev 12:17) Kouma nou kapav ed nou bann konpagnon Kretien ki pe gagn persekision dan lezot pei? Nou kapav priye pou zot. “Lapriyer enn dimoun ki zis, li ena enn pwisans e li efikas.”—Zak 5:16.

Pou ki kitsoz nou kapav priye? Nou kapav demann Zeova donn nou bann frer ek ser kouraz ek ed zot pou pa gagn per. (Iz 41:10-13) Nou kapav priye osi pou ki bann lotorite aksepte ki nou fer nou travay predikasion, pou ki nou kontign viv dan “lape ek trankilite.”—1Ti 2:1, 2.

Kan Pol ek Pier ti gagn persekision, bann Kretien premie siek ti priye pou zot ek ti mansionn zot nom dan lapriyer. (Zis 12:5, NW; Rom 15:30, 31) Zordi, kitfwa nou pa konn nom tou bann ki pe gagn persekision. Me eski dan nou lapriyer nou kapav mansionn nom zot kongregasion, zot pei, ouswa rezion kot zot reste?