Zeova konsider bann ve maryaz kouma enn kitsoz ki bien inportan. Li ti dir ki enn mari ek enn fam bizin res atase ar sakenn so kamarad. (Mt 19:5, 6) Parmi pep Zeova ena boukou koup ki bann bon lexanp. Me selman, pena okenn maryaz ki parfe. Pou ena bann problem. Laplipar dimounn konsider separasion ek divors kouma enn solision kan enn koup pe gagn bann problem, me fode pa ki nou adopte sa mem fason panse la. Kouma bann Kretien ki marye kapav protez zot maryaz?

Anou get sink kitsoz inportan ki enn Kretien ki marye bizin fer.

1. Protez to leker kont bann kitsoz ki kapav afebli to maryaz. Kouma par exanp, bann divertisman imoral ouswa enn konportman ki kapav fer enn dimounn lot sex krwar ki to interese avek li.​—Mt 5:28; 2Pi 2:14.

2. Fortifie to lamitie avek Bondie, ek ogmant to dezir pou fer Li plezir atraver to lavi maryaz.​—Ps 97:10.

3. Kontign met nouvo personalite lor twa, ek avek zantiyes fer bann ti kitsoz ki pou rann lavi to konzwin pli fasil.​—Kol 3:8-10, NW, 12-14.

4. Gard enn bon kominikasion ki sinser ek fer li avek respe.​—Kol 4:6.

5. To bizin satisfer bann bezwin to konzwin avek boukou lamour ek lafeksion.​—1Ko 7:3, 4; 10:24.

Kan bann Kretien montre respe pou maryaz, zot pe montre respe pou sa Kikenn ki’nn kree maryaz la, Zeova.

GET VIDEO NOU BIZIN “GALOUP AVEK LANDIRANS”​—SWIV BIEN BANN REG KONPETISION, EK APRE SA, REPONN SA BANN KESTION-LA:

• Mem si enn maryaz koumans bien, ki bann difikilte nou kapav gagne?

• Kouma bann prinsip Labib kapav ed bann Kretien ki panse ki nepli ena lamour dan zot maryaz?

• Ki bann prinsip Zeova inn etabli pou maryaz?

• Pou ki enn maryaz reisi, ki toulede konzwin bizin fer?