Ar ki bann difikilte to pe fer fas toulezour? Eski to enn sef fami ki pe esey asim tou to bann responsabilite? Eski to pe elve to bann zanfan tousel ek to pe gagn difikilte pou zwenn le-de-bout? Eski to enn zenn, ek to bann kamarad lekol pe arsel twa? Eski to ena enn move lasante ouswa to pe sibir bann lefe lavieyes? Sak dimounn ena pou fer fas ar enn problem. Boukou Kretien pe bizin fer fas ar plizir problem anmemtan. Me, nou kone ki biento nou pou libere ar tou sa bann problem-la.​—2Ko 4:16-18.

Me antretan, sa rekonfort nou pou kone ki Zeova konpran nou bann problem, ki nou fidelite ek nou landirans ena valer pou Li, ek ki Li’nn rezerv bann gran benediksion pou nou. (Zr 29:11, 12) Zezi osi interese personelman ar nou. Amezir ki nou pe asim bann responsabilite ki nou ena antan ki Kretien, Zezi donn nou sa lasirans-la: “Mo avek zot.” (Mt 28:20) Kan nou pran letan pou medit lor liberte ki nou pou gagne anba Rwayom Bondie, sa ranforsi nou lesperans ek nou determinasion pou andir bann problem ki nou pe gagne.​—Rom 8:19-21.

GET VIDEO ALOR KI TANPET PE VINI, KONSANTRE ZOT LOR ZEZI!​—BANN BENEDIKSION KI RWAYOM BONDIE POU AMENE DAN LAVENIR, EK APRE SA, REPONN SA BANN KESTION-LA:

• Kouma limanite finn elwagne ar Bondie, ek ki rezilta sa finn amene?

• Ki lavenir pe atann bann ki res fidel ar Zeova?

• Kouma eski li posib ki nou ena enn zoli lavenir koumsa?

• Ki bann benediksion ki nou pou gagne dan lemond nouvo to pe atann avek inpasians?