Nou pe viv dan enn lemond ki esey fer nou krwar ki seki bon, li pa bon, ek ki seki pa bon, li bon. (Iz 5:20) Malerezman, sertin dimounn fer bann kitsoz ki Zeova ayir, parmi ena move konportman ki ena ant bann dimounn mem sex. Bann kamarad lekol ouswa lezot dimounn kapav ankouraz nou bann zenn pou swiv mem sime ki zot. Kouma to kapav prepar to zanfan pou sirmont sa sitiasion-la ek lezot sitiasion ki parey?

Ansegn to zanfan bann prinsip Zeova. (Lv 18:3) To kapav ansegn li tigit-tigit seki Labib dir lor sex. Seki to pou dir li depann lor laz ki li ena ek lor seki li kapav konpran. (Dt 6:7) Demann tomem: ‘Eski mo’nn ansegn mo zanfan kouma pou montre lafeksion dan enn bon fason, linportans pou abiy li dan enn fason modes, ek linportans pou ki lezot respekte so lintimite? Eski mo zanfan kone ki pou fer si kikenn esey montre li pornografi ouswa demann li pou fer enn kitsoz ki pa bon devan lizie Zeova?’ Si li konn sa an-avans sa pou evit li boukou problem. (Pr 27:12; Ek 7:12) Kan to ansegn to zanfan, to montre lamour pou sa leritaz ki Zeova inn donn twa la, enn leritaz ki ena boukou valer.​—Ps 127:3.

GET VIDEO KONSTRIR ENN LAKAZ KI POU DIRE​—PROTEZ TO ZANFAN KONT “SEKI MOVE,” EK APRE SA, REPONN SA BANN KESTION-LA:

• Kifer sertin ezite pou ansegn zot zanfan lor sex?

• Kifer bann paran bizin form zot zanfan dan “disiplinn ek dan bann lavertisman Zeova”?​—Ef 6:4, NW

• Pou ed bann paran ansegn zot zanfan lor sex, ki lorganizasion Zeova finn donn zot?​—w19.05 12, lankadre

• Kifer to bizin koz regilierman avek to zanfan avan ki ena bann problem?