Parey kouma Zeova ti organiz nasion Izrael, azordi osi Li organiz so pep pou ki zot fer so volonte. Partou dan lemond, bann biro nasional, bann sirkonskripsion, bann lasanble, ek bann group predikasion travay ansam pou ki nou kapav pres bonn nouvel. Nou pres avek tou dimounn, mem bann dimounn ki koz enn lot lang.​—Rev 14:6, 7.

Eski to’nn pans pou aprann enn lot lang pou kapav ed lezot konn laverite? Mem si to pena letan ki bizin pou aprann enn lot lang, to kapav servi aplikasion JW Language pou aprann enn prezantasion ki sinp. Lerla, apre ki to finn servi sa prezantasion-la dan predikasion, to pou kapav gagn mem lazwa ki bann Kretien dan premie siek. Zot ti extra kontan ki bann dimounn dan bann lezot landrwa ti kapav tann bann “mervey Bondie” sakenn dan zot prop lang.​—Zis 2:7-11.

GET VIDEO VINN KAMARAD ZEOVA​—PRES DAN ENN LOT LANG, EK APRE SA, REPONN SA BANN KESTION-LA:

• Kan eski to kapav servi aplikasion JW Language?

• Ki sertin karakteristik sa aplikasion-la?

• Ki lang bann dimounn dan to teritwar koze?

• Si to zwenn enn dimounn ki koz enn lot lang ek ki interese ar mesaz lor Rwayom Bondie, ki to bizin fer?​—od-F 100-101 ¶39-41