NOU LAVI KRETIEN
Zenn—Ouver To Leker ar To Bann Paran
Kifer to bizin fer zefor pou dir to bann paran seki to resanti? (Pr 23:26) Parski Zeova inn donn zot responsabilite pou pran twa swin ek gid twa. (Ps 127:3, 4) Li pou difisil pou zot ed twa si zot pa kone ki kitsoz ki inportan pou twa ouswa ki pe fatig twa. Ek lerla, to pa pou kapav profit bann ti tips ki to bann paran inn aprann dan zot lavi. Eski li move ki to gard sertin kitsoz zis pou twa? Non, me to bizin fer atansion. Fode pa to fer to bann paran krwar enn kitsoz alor ki li pa vre.—Pr 3:32.
Kouma to kapav koz ar to bann paran? Esey rod enn ler ki bon pou zot toulede. Si to trouv sa difisil, to kapav ekrir enn let pou dir zot seki to resanti. Me ki pou arive si zot anvi koz lor enn kitsoz ki twa to pa anvi? Pa bliye ki to bann paran anvi ed twa. Trouv zot kouma enn kamarad, pa kouma enn lennmi. Zenn, bann zefor ki to pou fer pou ouver to leker ar to bann paran, pou fer twa gagn bann bon rezilta toutlong to lavi!—Pr 4:10-12.
GET VIDEO MO LAVI ADOLESAN—KOUMA MO KAPAV KOZ AR MO BANN PARAN? EK APRE SA, REPONN SA BANN KESTION-LA:
-
Ki Esther ek Partik inn realize lor zotmem?
-
Ki to kapav aprann ar lexanp Zezi?
-
Kouma eski to bann paran finn montre ki zot gagn to traka?
-
To bann paran anvi ki to reisi dan lavi
Ki bann prinsip Labib kapav ed twa pou koz ar to bann paran?
