Kifer bizin prepare? Bann irzans medikal kapav arive enn kout, san ki nou atann. Alor, prepar twa depi aster-la mem pou ki si sa arive to kapav gagn meyer swin medikal. Kan to fer sa, to montre ki to respekte lavi ek lalwa Zeova lor disan.​—Zis 15:28, 29.

Ki to kapav fer pou prepar twa?

• Priye ek pran letan pou ranpli enn kart DPA (No Blood). a Bann proklamater ki batize kapav demann frer ki okip piblikasion pou donn zot enn kart DPA (No Blood) ek osi enn kart Attestation Individuelle pou zot bann zanfan ki miner

• Si to ansint, demann bann ansien enn form S-401 (Informasion pou Bann Madam Ansint). Sa dokiman-la pou ed twa pou pran bann bon desizion konsernan bann problem medikal ki kapav arive pandan to groses ek to lakousman

• Si to bizin fer enn tretman kot ena enn problem disan ouswa ki to pou bizin res lopital, fer bann ansien kone alavans ek inform lopital ki enn reprezantan bann Temwin Zeova pou vinn vizit twa

Kouma bann ansien kapav ede? Zot kapav ed twa pou ranpli to kart DPA (No Blood). Me selman, bann ansien pa pou pran bann desizion medikal dan to plas ek zot pa pou donn zot lopinion personel lor swa ki to fer. (Rom 14:12; Ga 6:5) Si zame to dan enn sitiasion kot pe bizin pran bann desizion konsernan disan, fer bann ansien kone ek deswit zot pou kontakte Komite Liezon Ospitalie (KLO).

Kouma KLO kapav ede? Bann frer ki servi dan KLO finn forme pou kapav ed bann dokter ek bann avoka pou konpran bann desizion ki nou’nn pran konsernan disan. Zot kapav koz avek to dokter lor bann teknik medikal kot pa bizin servi disan. Ek si bizin, zot kapav ed twa pou rod enn lot dokter ki aksepte to desizion konsernan disan.

GET VIDEO KOUMA POU PRAN BANN DESIZION KONSERNAN DISAN DAN DOMENN MEDIKAL?, EK APRE SA, REPONN SA BANN KESTION-LA:

• Kouma seki to’nn aprann dan sa video-la kapav ed twa pou prepar twa pou enn irzans medikal ki konsern disan?

  To repons