NOU LAVI KRETIEN
Zeova Ed Nou pou Fer Fas ar Nou Bann Problem
Pandan sa bann dernie zour la, nou bizin fer fas ar boukou difikilte. Parfwa, nou santi ki li tro difisil pou nou fer fas ar sa bann problem-la. Me selman, si nou fer zefor pou kontign res pros ar Zeova, Li kapav ed nou pou andir mem bann pli gro problem ki existe. (Iz 43:2, 4) Kouma nou kapav res pros ar Zeova kan nou pe pas par bann problem?
Lapriyer. Kan nou devid nou leker ar Zeova, Li donn nou lape lespri ek lafors ki bizin pou nou andire.—Fil 4:6, 7; 1Tes 5:17.
Renion. Azordi, nou plis bizin bann lansegnman ki ena dan Labib ek bann bon kamarad ki Zeova donn nou dan renion. (Eb 10:24, 25) Kan nou prepar, asiste ek partisip dan bann renion, nou les lespri sin Zeova azir lor nou.—Rev 2:29, NW.
Predikasion. Li pou pli fasil pou nou res konsantre lor bann kitsoz pozitif si nou fer tou seki nou kapav pou res okipe dan predikasion. Sa pou ede pou ki nou lamitie avek Zeova ek nou bann frer ek ser vinn pli solid.—1Ko 3:5-10.
GET VIDEO ZEOVA POU PRAN TWA SWIN, EK APRE SA, REPONN SA BANN KESTION-LA:
-
Ki ti ed Malu pou res pros ar Zeova kan li ti fer fas ar bann difikilte?
-
Parey kouma Malu, kouma bann parol ki ena dan Psom 34:18 kapav rekonfort nou?
-
Kouma lexperyans Malu montre nou ki Zeova kapav donn nou sa “pwisans extraordiner la” kan nou fer fas bann problem?—2Ko 4:7
