Sak lane, bann serviter Zeova kontan pou selebre Memoryal ansam. Nou profit bann semenn avan ek apre Memoryal pou loue ek remersie Zeova pou kado ki Li’nn donn nou: Laranson. (Ef 1:3, 7) Par exanp, nou travay bien dir pou invit lezot pou asiste Memoryal. Sertin reisi organiz zot pou fer pionie tanporer avek lobzektif 30 ouswa 50-er pandan mwa Mars ouswa Avril. Eski to ti pou kontan fer plis dan predikasion pandan lepok Memoryal? Ki kapav ed twa pou fer sa?

Bien souvan, pou nou reisi fer plis nou bizin organiz nou alavans. (Pr 21:5) Lepok Memoryal pa lwin, alor se aster-la mem ki nou bizin koumans organiz nou. Reflesi lor kouma to kapav fer plis dan predikasion pandan lepok Memoryal, ek ki to bizin fer pou reisi to bann lobzektif. Apre sa, demann Zeova pou beni to bann zefor.​—1Zn 5:14, 15.

Sit bann fason kouma to kapav fer plis dan predikasion pandan lepok Memoryal.