Zeova anvi ki bann fami ere. (Ps 127:3-5; Ek 9:9; 11:9) Me malerezman, nou kapav perdi nou lazwa akoz stres ki ena dan sa lemond-la ek osi akoz bann erer ki bann manb nou fami kapav fer. Kouma sakenn kapav ede pou ki ena lazwa dan lafami?

Enn mari donn loner so madam. (1Pi 3:7) Li pas letan avek li. Li pa atann plis ki seki so madam kapav fer. Okontrer li montre so rekonesans pou seki so madam fer pou li ek pou lafami. (Kol 3:15) Li montre so madam ki li kontan li ek li donn li loner.​—Pr 31:28, 31.

Enn madam rod bann fason pou soutenir so mari. (Pr 31:12) Li soumet ek li korper ar so mari. (Kol 3:18) Li koz bien ar li ek li osi koz bien lor li ar lezot.​—Pr 31:26.

Bann paran pas letan avek zot zanfan. (Dt 6:6, 7) Zot dir zot zanfan ki zot kontan zot. (Mt 3:17) Ek kan zot disiplinn zot zanfan, zot montre lamour ek disernman.​—Ef 6:4.

Bann zanfan onor ek obeir zot paran. (Pr 23:22) Zot dir zot paran seki zot panse ek seki zot resanti. Zot aksepte disiplinn ki zot paran done ek zot montre respe anver zot paran.​—Pr 19:20.

GET VIDEO RES ZWAYE DAN TO FAMI, EK APRE SA, REPONN SA KESTION-LA:

Ki sakenn inn fer pou ki ena lazwa dan lafami?