Pandan mwa Septam, nou pou fer enn zefor spesial pou montre ki se zis Rwayom Bondie ki pou kapav regle problem bann dimounn. (Mt 24:14) Kouma to kapav partisip dan sa kanpagn-la? Pandan sa mwa-la, partaz enn verse ki ena enn lien ar Rwayom Bondie avek pli boukou dimounn ki to kapav dan to teritwar. Si dimounn-la montre lintere, donn li enn kopi edision piblik Latour Degard No. 2, 2020. Apre sa, swiv lintere dimounn-la pli vit posib, ek servi brosir Viv Ere pou Touletan! pou koumans enn letid Labib. Tou bann ki pou fer pionie tanporer kapav swazir pou fer 15 ouswa 30 er-tan pou mwa Septam.

Res enn tigit letan avan ki Rwayom Bondie detrir tou bann gouvernman ki opoze ar li. (Dn 2:44; 1Ko 15:24, 25) Alor, anou sezi sa lokazion spesial la pou montre nou fidelite anver Zeova ek so Rwayom!