KIFER LI INPORTAN: Parey kouma laplipar zouti, bann rezo sosial kapav ed nou ouswa fer nou ditor. Sertin Kretien inn swazir pou pa servi bann rezo sosial. Lezot Kretien servi bann rezo sosial pou res an kontak ar zot fami ek kamarad. Me selman, Satan Lediab anvi ki nou servi bann rezo sosial dan enn move fason, ek sa kapav gat nou repitasion ek nou lamitie ar Zeova. Parey kouma Zezi, nou kapav servi bann prinsip ki ena dan Parol Bondie pou idantifie sa bann danze-la ek evit zot.​—Lk 4:4, 8, 12.

BANN PIEZ KI BIZIN EVITE:

• Servi bann rezo sosial plis ki bizin. Kan nou pas tro boukou letan lor bann rezo sosial ouswa lor bann lezot mwayin pou avoy bann informasion, sa kapav kokin nou letan, ki ena boukou valer, pou fer bann aktivite spiritiel

  Bann prinsip Labib: Ef 5:15, 16; Fil 1:10

• Get bann kitsoz ki pa bon. Kan nou get bann zimaz provokan sa kapav fer nou vinn esklav pornografi ouswa fer nou komet limoralite. Lir seki bann aposta ekrir lor Internet kapav afebli nou lafwa

  Bann prinsip Labib: Mt 5:28; Fil 4:8

• Poste bann komanter ouswa foto ki pa bizin. Parski leker li tret, enn dimounn kapav ena tandans pou met bann foto ek bann komanter ki pa bizin lor enn rezo sosial. Selman, sa kapav gat repitasion enn dimounn ouswa fer lezot tonbe lor plan spiritiel

  Bann prinsip Labib: Rom 14:13; Ef 4:29

GET VIDEO RÉSEAUX SOCIAUX : NE TE LAISSE PAS AVOIR !, EK APRE SA, FER ENN REZIME KOUMA EVIT SA BANN SITIASION-LA: