Izai 11:1-16
11 Enn ti brans pou sorti dan siko Zese,Ek enn bourzon ki sorti dan so rasinn pou raport bann frwi.
2 Lespri Zeova pou lor li,Lespri sazes ek lintelizans,Lespri ki fer li donn bann bon konsey ek ki pwisan,Lespri konesans ek enn gran respe pou Zeova.
3 Li pou kontan pou montre enn gran respe pou Zeova.
Li pa pou ziz dapre seki li trouve avek so lizie,Ek li pa pou koriz zis dapre seki li tande avek so zorey.
4 Li pou ziz bann ti-dimounn avek lazistis,*Ek li pou rann lazistis an faver bann dimounn ki ena douser lor later.
Ek avek baton so labous li pou tap laterEk li pou touy bann move dimounn avek ler ki li soufle ar so labous.
5 Lazistis pou kouma enn sintir otour so lerin,Ek fidelite pou kouma enn sintir otour so laans.
6 Enn loulou pou res inpe letan avek enn ti mouton,Enn leopar pou dormi avek enn ti kabri,Ek enn ti toro, enn zenn lion, ek bann zanimo ki bien nouri, zot tou pou ansam;*Ek enn ti garson pou diriz zot.
7 Enn vas ek enn lours pou manze ansam,Ek zot bann tipti pou dormi ansam.
Enn lion pou manz lapay parey kouma enn toro.
8 Enn ti-baba ki ankor pe bwar ar so mamaPou zwe akote trou kot enn kobra reste,Ek enn ti zanfan ki’nn aret bwar ar so mamaPou met so lame lor trou kot enn serpan ki anpwazone reste.
9 Zot pa pou fer okenn ditor,Ni okenn dega dan tou mo montagn ki sin,Parski vremem later pou ranpli avek konesans ZeovaParey kouma delo kouver lamer.
10 Sa zour-la, rasinn Zese pou leve kouma enn sign* pou bann pep.
Bann nasion pou tourn ver li pou ki li gid zot,*Ek plas kot li repoze pou ranpli ar laglwar.
11 Sa zour-la, Zeova pou lev so lame ankor enn fwa, setadir enn deziem fwa, pou rasanble sa tigit ki reste parmi so pep la ki ankor dan Lasiri, Lezip, Patros, Kous, Elam, Sinear, Amat ek bann lil ki dan lamer.
12 Li pou met enn signal lor enn poto pou bann nasion, ek li pou rasanble bann dimounn Izrael ki’nn disperse ek li pou rasanble depi kat kwin later bann dimounn Zida ki’nn disperse.
13 Efraim pou nepli zalou,Ek bann ki ena laenn pou Zida pou disparet net.
Efraim pa pou zalou Zida,Ek Zida pa pou ena laenn pou Efraim.
14 Zot pou desann bien vit lor bann lapant pei bann Filistin dan kote Lwes;Ansam zot pou depouy bann dimounn ki dan Les.
Zot pou pran kontrol lor Edom ek Moab,Ek bann Amonit pou vinn pou zot.
15 Zeova pou diviz labe* lamer Lezip*Ek li pou lev so lame kont Larivier.*
Li pou tap so* set larivier avek ler bien so ki li soufle,*Ek li pou permet bann dimounn travers li avek zot sandalet dan zot lipie.
16 Ek pou ena enn gran semin ki sorti Lasiri pou leres so pep ki’nn reste,Parey kouma ti ena pou Izrael zour ki li ti sorti dan pei Lezip.
Not
^ Ouswa “ladrwatir.”
^ Ouswa kitfwa, “Ek enn ti toro ek enn lion pou manze ansam.”
^ Ouswa “signal lor enn poto.”
^ Ouswa “bann nasion pou rod li.”
^ Lit., “lalang.”
^ Ouswa kitfwa, “fer labe lamer Lezip sek.”
^ Setadir, Lefrat.
^ Ouswa kitfwa, “tap li pou fer li vinn.”
^ Ouswa “lespri.”
