Izai 15:1-9
-
Mesaz kont Moab (1-9)
15 Enn mesaz kont Moab:
Parski li’nn detrir net dan enn sel lanwit,Finn fer Ar dan Moab res trankil.
Parski li’nn detrir net dan enn sel lanwit,Finn fer Kir dan Moab res trankil.
2 Li’nn mont dan Tanp* ek dan Dibon,Dan bann plas dan oter pou plore.
Moab pe kriye ek pe plore pou Nebo ek pou Medeba.
Zot tou inn raz zot latet ek zot tou inn koup zot labarb.
3 Dan so bann lari zot inn met latwal sak lor zot.
Lao zot lakaz ek dan zot bann plas piblik, zot tou pe kriye ek plore.
Telman zot pe plore, zot inn tom anba.
4 Esbonn ek Eleale pe kriye;Pe tann zot lavwa ziska Zaaz.
Ala kifer bann solda Moab pe kontign kriye.
Li pe tranble.
5 Mo leker pe plore pou Moab.
Bann ki pe sove finn ariv ziska Zoar ek Eglat-Selisiya.
Amezir ki zot pe mont lamontan Lwit, zot pe plore;Lor zot semin pou Oronayim zot pe plore, akoz maler ki’nn arive.
6 Bann delo Nimrim inn vinn enn dezer;Lerb ver inn sek net,Nepli ena lerb, ek nepli ena nanye ki ver.
7 Akoz sa, seki’nn reste dan zot bann stor ek dan zot bann dibien,Zot pe pran zot pe ale;
Zot pe travers vale bann pie pepliye.
8 Pe tann sa bann kriye-la partou dan teritwar Moab.
Pe tann zot kriye ek plore ziska Eglayim;Pe tann zot kriye ek plore ziska Beer-Elim.
9 Parski bann delo Dimon ranpli ar disan,Ek mo pou avoy ankor maler lor Dimon:
Mo pou avoy enn lion pou bann dimounn Moab ki pe soveEk pou bann ki’nn reste dan pei-la.
Not
^ Lit., “Lakaz.”
