Izai 16:1-14
-
Mesaz kont Moab kontigne (1-14)
16 Avoy enn mouton mal pou dirizan sa pei-la,Depi Sela, pas dan dezerPou al ziska montagn tifi Sion.
2 Parey kouma enn zwazo ki’nn gagn pouse depi so nik,Koumsa mem bann tifi Moab pou ete dan bann delo Arnon.
3 “Donn enn konsey, azir an-akor avek desizion ki’nn pran.
Fer to lonbraz midi vinn nwar kouma aswar.
Kasiet bann ki’nn disperse ek pa trayir bann ki pe sove.
4 Les bann ki’nn disperse res kot twa, A Moab.
Vinn enn plas kot zot kapav kasiet akoz sa kikenn ki detrir la.
Sa kikenn ki fer dominer la pou disparet,Destriksion pou fini,Ek bann ki mars lor lezot pou disparet lor later.
5 Lerla, pou etabli enn tronn dan enn fason solid gras-a lamour fidel.
Sa kikenn ki pou asiz lor sa tronn-la dan latant David, pou fidel;Li pou ziz avek lazistis ek li pa pou tarde pou aplik seki drwat.”
6 Nou’nn tann koz lor lorgey Moab—li bien fier—So larogans, so lorgey, ek so gran koler;Me so bann gran-gran koze pa pou amenn nanye.
7 Alor Moab pou kriye ek plore pou Moab;Zot tou pou kriye ek plore.
Bann ki’nn gagn sa maler-la pou tris parski zot pa pe gagn gato rezin sek ki sorti Kir-Areset.
8 Bann karo Esbonn finn sek,Karo pie rezin Sibma inn mor,Bann dirizan bann nasion finn kraz so bann brans rouz vif;*Bann brans-la ti’nn ariv ziska Zazer;Zot ti’nn mem ariv ziska dan dezer.
So bann bourzon ti’nn tale ek ti’nn al ziska lamer.
9 Se akoz sa ki mo pou plore lor karo rezin Sibma parey kouma mo’nn plore pou Zazer.
Avek mo bann larm mo pou mouy twa net, A Esbonn ek Eleale,Parski bann ki rekolte sereal ek bann frwi lete nepli pe kriye avek lazwa.*
10 Lazwa ek kontantman finn disparet dan verze,Ek dan bann karo rezin nepli tann bann dimounn sante ouswa kriye avek lazwa.
Personn nepli pe kraz rezin dan preswar,Parski mo’nn fer bann dimounn aret kriye ar lazwa.
11 Se akoz sa ki mo bann andan pe tranble parski mo tris pou Moab,Parey kouma bann difil vibre lor enn laarp,Ek andan mo pe plore akoz Kir-Areset.
12 Mem si Moab fatig li dan so bann plas dan oter ek al priye dan so tanp, li pa pou reisi fer nanye.
13 Ala seki Zeova ti dir avan, konsernan Moab.
14 Ek aster-la Zeova dir: “Dan lespas trwa-z-an, parey kouma bann lane enn travayer,* Moab pou perdi so laglwar ek pou konn tou sort kalite difikilte, ek bann ki pou res laba pou bien tigit ek feb.”
Not
^ Ouswa “so bann brans ki ranpli ar bann rezin rouz.”
^ Ouswa kitfwa, “Parski kri lager inn desann lor to bann frwi lete ek lor to rekolt.”
^ Ouswa “konte bien parey kouma enn travayer fer”; setadir, dan exakteman trwa-z-an.
