Izai 18:1-7
-
Mesaz kont Letiopi (1-7)
18 Maler pou pei kot tann tapaz lezel bann insektDan rezion bann larivier Letiopi!
2 Pei-la pe avoy bann mesaze travers lamer,Dan bann bato ki’nn fer ar papiris, ek li dir:
“Ale, zot bann mesaze ki rapid,Al ver enn nasion ki so bann dimounn long ek zot lapo lis,Ver enn pep ki dan tou landrwa bann dimounn per,Ver enn nasion ki so bann dimounn for, ek ki gagn laviktwar,*Ki so bann larivier sarye later ale.”
3 Zot tou ki res dan pei ek ki res lor later,Seki zot pou trouve pou kouma enn signal* ki’nn leve lor bann montagn,Ek zot pou tann enn son ki kouma son enn korn.
4 Ala seki Zeova ti dir mwa:
“Mo pou res kalm ek mo pou get* mo plas ki’nn bien etabli,Parey kouma saler ki ena kan ena lalimier soley,Parey kouma niaz laroze ki ena pandan lepok rekolt kan fer so.
5 Parski avan rekolt,Kan bann plant inn fini fleri ek ki bann fler inn vinn bann rezin mir,Pou koup bann ti brans avek laserpEk pou koup ek tir bann laliann.
6 Pou kit tousala pou bann zwazo rapas ki dan montagnEk pou bann zanimo ki lor later.
Bann zwazo rapas pou pas lete lor zot,Ek tou bann zanimo lor later pou pas sezon rekolt lor zot.
7 Sa lepok-la pou amenn enn kado pou Zeova Sef bann larme,Depi enn nasion ki so bann dimounn long ek zot lapo lis,Depi enn pep ki dan tou landrwa bann dimounn per,Depi enn nasion ki so bann dimounn for ek ki gagn laviktwar,*Ki so bann larivier sarye later aleZiska enn landrwa ki port nom Zeova Sef bann larme, Montagn Sion.”
Not
^ Ouswa “enn nasion ki kapav siport presion ek kraz lezot.”
^ Ouswa “signal lor enn poto.”
^ Ouswa kitfwa, “get depi.”
^ Ouswa “enn nasion ki kapav siport presion ek kraz lezot.”
