Izai 2:1-22
2 Ala seki Izai, garson Amoz, ti trouve konsernan Zida ek Zerizalem:
2 Dan bann dernie zour,*Montagn lakaz ZeovaPou etabli dan enn fason solid lao bann montagn,Ek vremem li pou vinn pli ot ki bann kolinn,Ek tou bann nasion pou mont ver li kouma enn lafoul.
3 Ek boukou pep pou ale ek pou dir:
“Vini, anou mont lor montagn Zeova,Anou al dan lakaz Bondie Zakob.
Li pou montre nou ki semin nou bizin swiv,Ek nou pou mars lor so bann semin.”
Parski lalwa* pou sorti dan Sion,Ek parol Zeova pou sorti dan Zerizalem.
4 Bondie pou azir kouma enn ziz parmi bann nasion,Ek li pou remet bann kitsoz an-ord* konsernan boukou pep.
Zot pou fer zot lepe vinn bann zouti pou labour later,Ek zot pou fer zot bann lans vinn bann laserp.
Enn nasion pa pou lev lepe kont enn lot nasion,Ek zot pou nepli aprann lager.
5 A bann desandan Zakob, vini,Ek anou mars dan lalimier Zeova.
6 Bondie to’nn abandonn to pep, bann desandan Zakob,Parski zot pei ranpli ar bann kitsoz ki sorti dan Les;Zot fer mazik parey kouma bann Filistin,Ek ena boukou zanfan bann etranze parmi zot.
7 Zot pei ranpli ar larzan ek lor,Ek pa kapav kont kantite trezor ki zot ena.
Zot pei ranpli ar bann seval,Ek pa kapav kont kantite kales ki zot ena.
8 Zot pei ranpli ar bann bondie ki pena valer.
Zot ador bann kitsoz ki zot inn fer avek zot prop lame,Bann kitsoz ki zot inn fer avek zot prop ledwa.
9 Ek kan bann zom kourbe, zot abes zotmem,Akoz sa, to pa kapav pardonn zot.
10 Akoz koler Zeova ki fer per,Ek so pouvwar ek so laglwar,Rant dan ros ek kasiet dan lapousier.
11 Bann ki ena lorgey pou bes latet,Ek bann ki arogan pou kourbe.
Sa zour-la, zis Zeova tousel ki pou gagn loner.
12 Parski sa zour-la li pou Zeova Sef bann larme.
Sa zour-la pe vinn lor tou dimounn ki ena lorgey ek ki arogan,Lor tou dimounn, ki li enn dimounn inportan ouswa enn ti-dimounn,
13 Lor tou bann pie sed dan Liban ki ot ek inportan,Ek lor tou bann pie senn dan Basann,
14 Lor tou bann montagn ki ot,Ek lor tou bann kolinn ki ot,
15 Lor sak latour ki ot ek sak miray ki solid,
16 Lor tou bann bato Tarsis,Ek lor tou bann zoli bato.
17 Pou abes bann dimounn ki orgeye,Ek bann ki arogan pou kourbe.*
Sa zour-la zis Zeova tousel ki pou gagn loner.
18 Bann bondie ki pena valer pou disparet net.
19 Ek bann dimounn pou rant dan bann lakav ros,Ek dan bann trou dan later,Akoz koler Zeova ki fer per,Ek so pouvwar ek so laglwar,Later pou tranble dan enn gran laper, kan li leve.
20 Sa zour-la bann zom pou pran zot bann bondie ki pena valer ki an-arzan ek an-or,Ki zotmem zot inn fer pou adore,Ek zot pou zet zot ar bann lera miske ek bann sovsouri,
21 Pou ki zot kapav rant dan trou bann rosEk dan fant bann gran ros,Akoz koler Zeova ki fer per,Ek so pouvwar ek so laglwar,Later pou tranble dan enn gran laper, kan li leve.
22 Pou zot prop bien, aret met zot konfians dan bann dimounn,Ki bizin respire pou viv.*
Kifer bizin pran zot kont?
Not
^ Lit., “Dan peryod final bann zour.”
^ Ouswa “instriksion.”
^ Ouswa “koriz bann kitsoz.”
^ Ouswa “imilie.”
^ Lit., “Ki zot respirasion dan zot nene.”
