Izai 23:1-18
-
Mesaz kont Tir (1-18)
23 Enn mesaz konsernan Tir:
Kriye ek plore, zot bann bato Tarsis!
Parski finn detrir lepor, nepli kapav rant laba.
Se depi pei Kitim ki’nn fer zot konn sa.
2 Res trankil, zot bann abitan lakot.
Bann marsan depi Sidon ki travers lamer finn fer twa vinn ris.*
3 Ti transport bann lagrin* Sior* ek bann rekolt Nil lor bann gro delo,Tir ti gagn so profi gras-a sa,Sa ti fer bann nasion gagn profi.
4 Laont lor twa, A Sidon, twa fortres lamer,Parski lamer finn dir:
“Mo pa finn gagn douler lakousman, ek mo pa finn gagn zanfan,Ni mo finn grandi bann zenom ouswa bann zennfi.”*
5 Bann dimounn pou dan langwas kan zot pou tann nouvel konsernan Tir,Parey kouma kan zot ti tann nouvel konsernan Lezip.
6 Traverse al Tarsis!
Kriye ek plore, zot bann abitan lakot!
7 Eski se samem zot lavil ki ti dan lazwa depi bien lontan, depi so bann premie zour?
Lipie so bann abitan ti abitie amenn zot dan bann pei bien lwin pou reste.
8 Kisann-la ki’nn desid sa kont Tir?
Eski se sa kikenn ki ti etabli bann lerwa la,Ki so bann marsan ti bann prins,Ek so bann komersan ti gagn loner partou lor later?
9 Se Zeova Sef bann larme limem ki’nn desid sa,Pou mepriz lorgey ki li ti ena akoz so bote,Pou abes tou bann ki ti gagn loner partou lor later.
10 Travers to pei parey kouma Larivier Nil, A tifi Tarsis.
Parski nepli ena okenn plas kot ranz ek repar bann bato.
11 Li finn lev so lame lor lamer;Li finn sakouy bann rwayom.
Zeova finn donn lord pou detrir bann fortres Fenisi.
12 Ek li dir: “To pou nepli dan lazwa,A twa ki’nn pas mizer, tifi Sidon ki vierz.
Leve, traverse al Kitim.
Mem laba to pa pou gagn okenn repo.”
13 Get pei bann Kaldeen!
Se sa pep-la, pa bann AsirienKi’nn fer li vinn enn plas pou bann zanimo dan dezer.
Zot finn konstrir bann latour pou atak sa lavil-la;Zot finn detrir so bann latour ki bien solid,Zot finn fer li vinn enn ta ros.
14 Kriye ek plore, zot bann bato Tarsis,Parski finn detrir zot fortres.
15 Sa zour-la pou bliye Tir pandan 70 an, parey kouma kantite letan* ki enn lerwa viv. Alafin 70 an, Tir pou viv mem kitsoz ki sa prostitie ki dan sa sante-la:
16 “Pran enn laarp, fer letour lavil-la, A twa prostitie ki bann dimounn inn bliye.
Zwe bien to laarp;Sant boukou sante,Pou ki bann-la rapel twa.”
17 Alafin 70 an, Zeova pou pran Tir kont, ek Tir pou retourne pou regagn so lapey ek li pou fer prostitision avek tou bann rwayom ki ena dan lemond partou lor later.
18 Me profi ek lapey ki li pou gagne pou vinn enn kitsoz ki sin pou Zeova. Pa pou ramas sa ouswa met sa dekote, parski pou servi so lapey pou bann ki res devan Zeova, pou ki zot kapav manze ziska zot vant plin ek met bann zoli linz lor zot.
Not
^ Lit., “finn ranpli twa.”
^ Ouswa “sereal.”
^ Setadir, enn ti larivier ki sorti ar larivier Nil.
^ Lit., “bann vierz.”
^ Lit., “bann zour.”
