Izai 25:1-12
25 A Zeova, to mo Bondie.
Mo donn twa laglwar, mo loue to nom,Parski to’nn fer bann kitsoz extraordiner,To ti desid pou fer sa bann kitsoz-la* depi lontan,To’nn montre ki to fidel ek ki kapav fer twa konfians.
2 Parski to’nn fer enn lavil vinn enn ta ros,Enn lavil ki antoure ar bann miray inn vinn enn ta ros.
Latour bann etranze nepli enn lavil;Zame pa pou rearanz li.
3 Akoz samem, enn pep ki for pou donn twa laglwar;Lavil kot ena bann pep ki san pitie, pou per twa.
4 Parski to’nn vinn enn fortres pou bann ti-dimounn,Enn fortres pou bann pov dan bann moman difisil,Enn proteksion kont bann gro lapli,Enn lonbraz kont saler.
Kan koler bann dimounn ki san pitie vinn kouma enn gro lapli kont enn miray,
5 Kouma saler lor enn later sek,To fer bann etranze aret fer tapaz.
Parey kouma lonbraz enn niaz fer saler disparet,Koumsa mem pou nepli tann sante bann dimounn ki san pitie.
6 Dan sa montagn-la, Zeova Sef bann larmePou fer enn gran repa pou tou bann pep,Kot pou ena bann bon manze, bon divin,*Bann bon manze ki ranpli avek lamwel,Ek bon divin ki’nn filtre.
7 Dan sa montagn-la, li pou detrir* latwal ki pe anvlop tou bann pep,Ek vwal ki’nn kouver tou bann nasion.
8 Li pou aval* lamor pou touletan,Ek Segner Siprem* Zeova pou souy larm lor tou bann figir.
Lor later antie li pou tir laont ki so pep finn kone,Parski Zeova limem finn dir sa.
9 Sa zour-la zot pou dir:
“Gete! Sa se nou Bondie!
Nou’nn met nou lespwar dan li,Ek li pou sov nou.
Limem Zeova!
Nou’nn met nou lespwar dan li.
Anou ena lazwa ek anou kontan akoz delivrans ki li pou amene.”
10 Parski Zeova pou poz so lame lor sa montagn-la,Ek pou kraz Moab anplasParey kouma kraz lapay anba lipie dan enn pil fimie.
11 Li pou avoy so lame dan MoabParey kouma enn nazer avoy so lame pou naze,Ek li pou abes so lorgeyAvek bann mouvman presi ki li fer avek so lame.
12 Li pou kraz lavil ki bien proteze,Ansam avek so* bann miray ki bien ot, ki enn sekirite,Li pou zet li anba ziska dan lapousier.
Not
^ Ouswa “Bann konsey ki to’nn done.”
^ Ouswa “divin ki’nn les poze ek ki’nn gagn enn ti lamar anba.”
^ Lit., “aval.”
^ Ouswa “detrir.”
^ Ouswa “Souverin Segner.”
^ “So” fer referans ar lavil ki bien proteze.
