Izai 27:1-13
27 Sa zour-la, avek so gran lepe ki pwisan ek solid,Zeova pou pran kont Leviatan,* sa serpan ki glise la,Leviatan, sa serpan ki ranpe la,Ek li pou touy sa mons ki dan lamer la.
2 Sa zour-la sant pou li:*
“A karo rezin ki donn divin ki kime!
3 Mwa, Zeova, mo pe protez li.
Sak fwa mo aroz li.
Mo protez li lanwit-lizourPou ki personn pa fer li ditor.
4 Pena okenn lakoler dan mwa.
Kisann-la ki pou vinn lager ar mwaAvek bann touf pikan ek bann move zerb?
Mo pou kraz zot ek bril zot tou ansam.
5 Sinon, ki li trap bien mo fortres.
Ki li fer lape avek mwa;Ki li fer lape avek mwa.”
6 Dan bann zour ki pe vini Zakob pou bien anrasine,Izrael pou an-fler ek pou bourzone,Ek zot pou ranpli pei-la avek zot bann frwi.
7 Eski bizin bat li parey kouma pou bat sa kikenn ki pe bat li la?
Ouswa eski bizin touy li parey kouma bann ki li’nn touye?
8 Se avek enn kriye ki fer per ki to pou lager ar li kan to pou fer li ale.
To pou pous li avek to gran divan, zour ki ena divan ki sorti dan Les.
9 Alor, dan sa fason-la pese Zakob pou kouver,Ek sa se rezilta ki pou ena kan pou efas so pese:
Li pou fer tou bann ros ki lor lotelVinn parey kouma bann ros kalker ki’nn kraze net,Ek pou nepli ena okenn poto sakre* ouswa lotel lansan.
10 Parski personn pou nepli res dan lavil ki bien proteze;Pou bliye bann patiraz ek abandonn zot kouma enn dezer.
Se laba mem ki ti bef pou manz lerb ek alonzeEk pou manz so bann brans.
11 Kan so bann ti brans pou sek,Bann madam pou vini ek pou kas zot,Ek fer dife avek zot.
Parski sa pep-la pa konpran nanye.
Se akoz sa ki sa Kikenn Ki’nn Fer zot la pa pou montre okenn mizerikord* anver zot,Ek sa Kikenn ki’nn donn zot enn form la pa pou montre zot so faver.
12 Sa zour-la Zeova pou grenn frwi avek enn golet depi Larivier* ki pe koule ziska Vale* Lezip, ek pou ramas zot enn apre lot, A pep Izrael.
13 Sa zour-la pou soufle dan enn gro korn ek bann ki pe mor dan pei Lasiri ek bann ki’nn disperse dan pei Lezip pou vini. Ek zot pou kourbe devan Zeova lor montagn ki sin ki dan Zerizalem.
Not
^ Get Lexplikasion Bann Mo.
^ Li paret ki sa fer referans ar Izrael, ki isi reprezante kouma enn madam ek ki konpare ar enn karo rezin.
^ Get Lexplikasion Bann Mo.
^ Get Lexplikasion Bann Mo.
^ Setadir, Lefrat.
^ Get Lexplikasion Bann Mo.
