Izai 28:1-29
28 Maler pou kouronn* bien fier* ki pou bann soular EfraimEk pou so bote ki ranpli ar laglwar ki pe fane kouma enn fler,Ki lao lor vale fertil tou bann ki’nn sou ar divin!
2 Gete! Zeova pou avoy enn kikenn ki for ek pwisan.
Kouma enn loraz lagrel, enn tanpet ki detrir tou,Kouma enn tanpet loraz avek bann gro lapli,Li pou zet li anba avek tou so lafors.
3 Vremem, pou mars lor bann kouronn bien fier*Ki pou bann soular Efraim.
4 Ek so bote ki ranpli ar laglwar ki pe fane kouma enn fler,Ki lao lor vale fertil,Pou vinn kouma enn fig ki mir avan ler, avan lete.
Kan kikenn trouv sa, kouma li kas li, li aval li.
5 Sa zour-la, Zeova Sef bann larme pou vinn enn kouronn ki ranpli ar laglwar ek enn zoli bizou lor latet, pou bann ki reste parmi so pep.
6 Ek li pou vinn enn lespri lazistis pou sa kikenn ki zize la, ek enn lasours lafors pou bann ki repous bann latak kot laport.
7 Ek bann-la osi pe elwagne akoz divin;Zot bann labwason ki ena lalkol pe fer zot balote.
Pret ek profet pe elwagne akoz sa bann labwason-la;Divin pe met zot dan konfizion,Ek zot pe balote akoz zot labwason ki ena lalkol;Zot bann vizion pe fer zot elwagne,Ek zot pa kapav rann bann bon zizman.
8 Parski zot bann latab ranpli ar vomi,Pena okenn plas kot pena vomi.
9 Ar kisann-la enn kikenn pou partaz konesans,Ek ar kisann-la enn kikenn pou explik mesaz-la?
Eski se ar bann ki’nn fek aret bwar dile ar zot mama,Ar bann ki’nn fek aret bwar tete?
10 Parski se “komannman lor komannman, komannman lor komannman,Lakord par lakord, lakord par lakord,*Enn tigit par isi, enn tigit par laba.”
11 Alor, li pou servi bann dimounn ki gaga ek ki koz enn lot lang pou koz ar sa pep-la.
12 Enn fwa li ti dir zot: “Isi se enn plas pou repoze. Les sa kikenn ki fatige la repoze; se enn plas pou regagn lafors,” me zot pa’nn anvi ekoute.
13 Alor Zeova pou dir zot: “Komannman lor komannman, komannman lor komannman,Lakord par lakord, lakord par lakord,*Enn tigit par isi, enn tigit par laba,”Pou ki kan zot marse,Zot kogne ek tom par deryer,Zot gagn dimal, zot tom dan piez, ek may zot.
14 Alor ekout parol Zeova, zot ki fer vantar,Zot ki diriz sa pep ki dan Zerizalem la,
15 Parski zot pe dir:
“Nou’nn fer enn lalians avek Lamor,Ek nou’nn pas enn lakor* avek Tom.*
Kan pou ena gro lapli ek debordman,Nou pa pou afekte par sa,Parski nou’nn fer foste vinn nou refiz,Ek nou’nn al kasiet dan bann kitsoz ki fos.”
16 Alor ala seki Zeova Segner Siprem* dir:
“Gete, mo pe poz enn fondasion dan Sion, enn ros ki’nn pas par bann test,Enn ros ki dan kwin ki ena valer, ki’nn poze kouma enn fondasion ki sir.
Dimounn ki ena lafwa ladan pa pou abriti.
17 Mo pou fer lazistis vinn kouma enn difil ki mezire,Ek ladrwatir kouma enn nivo.*
Lagrel pou kraz refiz ki ranpli ar foste,Ek delo pou inond plas kot dimounn kasiet.
18 Zot lalians avek Lamor pou kase,Ek lakor ki zot inn fer avek Tom* pou kennsel.
Kan pou ena gro lapli ek debordman,Sa pou kraz zot.
19 Sak fwa ki sa arive,Li pou balie zot;Parski sa pou arive sak gramatin,Pandan lazourne ek pandan lanwit.
Zis lafreyer ki pou fer zot konpran seki zot inn tande.”
20 Parski lili-la tro tipti pou alonz lor la,Ek dra-la tro tipti pou anvlop ladan.
21 Parski Zeova pou leve parey kouma li ti fer kot Montagn Perazim;Li pou azir, parey kouma li ti fer dan vale pre ar Gabaon,Pou ki li kapav fer so bann aksion, bann aksion ki bizar,Ek pou ki li kapav fer so travay, enn travay ki etranz.
22 Aster-la aret boufone,Pou ki pa ser zot bann lasenn ankor plis,Parski mo finn tann Segner Siprem, Zeova Sef bann larmeDir ki li bien deside pou detrir pei-la* an-antie.
23 Ouver zot zorey ek ekout mo lavwa;Pran kont ek ekout seki mo ena pou dir.
24 Eski enn labourer pou labour later toutlong lazourne, avan ki li sem lagrin?
Eski li kontign kas-kas later-la ek prepar li?
25 Kan li’nn fini dres later,Eski li pa fann lagrin nizel* ek sem ti-lani?
Eski li pa plant dible, lagrin mile, ek lorz dan plas ki bizin plant zot,Ek plant enn lot varyete dible* toutotour so karo?
26 Parski Li ansegn* li dan bon fason;So Bondie ansegn li.
27 Parski pa kraz lagrin nizel ar enn zouti ki separ lagrin ar so lapay,Ek pa pas larou saryo lor ti-lani.
Okontrer, bat lagrin nizel ar rotin,Ek ti-lani ar baton.
28 Si enn dimounn pe bat lagrin ki pou servi pou fer dipin, eski li pou kraz li ziska li vinn lapoud?
Non, li pa pou kontign bat lagrin-la.
Ek si li pas larou saryo avek so seval lor la,Li pa pou kraz li ziska li vinn lapoud.
29 Sa osi sorti kot Zeova Sef bann larme,So bann konsey* extraordiner,Ek bann kitsoz ki li fer bien gran.*
Not
^ Li paret ki sa fer referans ar Samari, kapital sa lavil-la.
^ Ouswa “arogan; vantar.”
^ Ouswa “arogan; vantar.”
^ Ouswa “Difil ki mezire lor difil ki mezire, difil ki mezire lor difil ki mezire.”
^ Ouswa “Difil ki mezire lor difil ki mezire, difil ki mezire lor difil ki mezire.”
^ Ouswa kitfwa, “gagn enn vizion ansam.”
^ Ouswa “Seol,” setadir, tom kot tou dimounn ale. Get Lexplikasion Bann Mo.
^ Ouswa “Souverin Segner.”
^ Ouswa “plon.”
^ Ouswa “Seol,” setadir, tom kot tou dimounn ale. Get Lexplikasion Bann Mo.
^ Ouswa “later-la.”
^ Enn zepis ki resanble lagrin sezam nwar.
^ Mo ebre ki’nn servi fer referans ar enn kalite dible ki mwin bon, ki ti kiltive lontan dan Lezip.
^ Ouswa “disiplinn; pini.”
^ Ouswa “proze.”
^ Ouswa “Ek li ena sazes ki amenn bon rezilta.”
