Izai 35:1-10
35 Dezer ek landrwa sek pou bien kontan,Ek laplenn kot nanye pa pouse pou dan lazwa ek pou fleri kouma pie zafrann.
2 Vremem li pou fleri;Li pou kontan ek kriye avek lazwa.
Pou donn li laglwar Liban,Ek bote Karmel ek Saronn.
Zot pou trouv laglwar Zeova, bote nou Bondie.
3 Fer bann lame ki feb vinn for,Ek fer bann zenou ki pe tranble tini ferm.
4 Dir bann ki ena traka dan zot leker:
“Vinn for. Pa per.
Gete! Zot Bondie mem ki pou vinn tir vanzans,Bondie pou vinn donn pinision.
Li pou vini ek Li pou sap zot.”
5 Sa lepok-la lizie sa kikenn ki aveg la pou ouver,Ek zorey sa kikenn ki sourd la pou debouse.
6 Sa lepok-la seki bwate pou sote kouma enn serf,Ek lalang enn kikenn ki pa kapav koze pou kriye avek lazwa.
Parski dan dezer, delo pou sorti avek enn gran presion,Ek pou ena bann larivier dan bann laplenn kot nanye pa pouse.
7 Ek later sek pou vinn kouma enn lamar ki kouver ar long lerb,*Ek later kot pa ti ena ditou delo, pou vinn kouma bann lasours delo.
Dan plas kot bann lisien sovaz* ti pe reste ek ti pe repoze,Pou ena lerb ver avek bann long lerb ek bann papiris.
8 Ek pou ena enn gran semin laba.
Wi! Enn semin ki pou apel Semin ki Sin.
Seki inpir pa pou pas lor la,Ek zis bann ki sipoze mars lor la ki pou gagn drwa mars lor la;Okenn dimounn ki pa respekte bann kitsoz sakre pa pou gagn drwa mars lor la.
9 Lor sa semin-la pa pou ena okenn lion,Ek okenn zanimo sovaz ki feros pa pou vinn lor la.
Pa pou trouv zot lor sa semin-la;Zis bann dimounn ki Bondie inn reaste ki pou mars lor la.
10 Bann dimounn ki Zeova inn reaste pou retourneEk zot pou kriye ar lazwa kan zot pou rant dan Sion.
Enn lazwa ki zame fini pou kouma enn kouronn lor zot latet.
Zot pou ere ek ranpli ar lazwa,Zot nepli pou sagrin ek plengne.
Not
^ Ouswa “rozo.” Enn plant dan Izrael ki resanble vounn.
^ Li enn lisien ki ena enn long lagel bien pwint ek enn lake bien touf ek ki resanble enn renar.
