Izai 4:1-6
4 Ek sa zour-la, set fam pou trap enn zom ek pou dir li:
“Nou pou rod nou prop dipinEk nou pou rod nou prop linz;Permet nou marye avek twa pou ki lepep konsider nou kouma to bann madam*Pou tir tou nou laont.”*
2 Sa zour-la seki Zeova pou fer pouse pou extraordiner ek ranpli ar laglwar, ek bann sirvivan Izrael pou fier ek dan lazwa akoz seki pei-la pou prodir.
3 Seki pou res dan Sion ek seki pou ankor vivan dan Zerizalem pou apel zot sin, wi, tou bann ki dan Zerizalem ki’nn ekrir zot nom pou gagn lavi.
4 Kan Zeova pou lav salte* bann tifi Sion, Li pou montre so gran koler kont Zerizalem ek Li pou ziz li. Dan sa fason-la, Li pou tir tou tas disan ki dan li.
5 Lor Montagn Sion ek lor so bann plas kot fer bann rasanbleman, Zeova pou fer osi enn niaz ek enn lafime pandan lizour ek enn laflam dife ki eklere pandan lanwit; parski lao tou sa bann kitsoz ki ena laglwar la pou ena enn proteksion.
6 Ek pou ena enn ti kabann ki pou donn lonbraz kont saler lizour, ek li pou servi kouma enn plas kasiet ek enn proteksion kont bann tanpet ek lapli.
Not
^ Ouswa “Les nou port to nom.”
^ Setadir, dezoner ki enn dimounn gagne parski li pa marye ek li pena zanfan.
^ Lit., “malpropte.”
