Izai 47:1-15
47 Desann ek asiz dan lapousier,A tifi Babilonn ki vierz.
Asiz anba kot pena tronn,A tifi bann Kaldeen,Parski zame ankor bann dimounn pa pou dir ki to frazilEk ki to enn tifi gate.
2 Pran enn moulin ki tourne avek lame ek kraz lafarinn.
Tir to vwal.
Tir to zip, montre to lazam.
Travers bann larivier.
3 Pou trouv twa touni.
Pou trouv to laont.
Mo pou tir vanzans, ek okenn zom pa pou dibout lor mo sime.*
4 “Sa Kikenn ki pe reaste nou la,So nom se Zeova Sef bann larme,Limem sa Kikenn Ki Sin dan Izrael la.”
5 Asiz laba trankil ek al dan nwarte,A tifi bann Kaldeen;Bann-la pou nepli apel twa Larenn bann Rwayom.
6 Mo’nn ankoler kont mo pep.
Mo’nn mepriz mo leritaz,Ek mo’nn larg zot dan to lame.
Me to pa ti ena okenn pitie pou zot.
Mem lor bann vie dimounn to’nn met enn fardo ki lour.
7 To’nn dir: “Mo pou touletan Larenn.”
To pa’nn pran sa bann kitsoz-la kont;To pa’nn reflesi kouma sa pou fini.
8 Aster-la ekout sa, A twa ki kontan plezir,Ki asiz an sekirite, ki dir dan so leker:
“Pena personn kouma mwa, ek apart mwa pena personn.
Mo pa pou vinn enn vev.
Zame mo pa pou perdi okenn zanfan.”
9 Me sa de kitsoz-la pou tom lor twa enn sel kout, dan enn sel zour:
To pou perdi to bann zanfan ek to pou vinn vev.
Akoz* tou to bann sorselri ek tou to bann sor ki pwisanTou sa bann kitsoz-la pou vremem tom lor twa.
10 To’nn fer konfians bann move kitsoz ki to’nn fer.
To’nn dir: “Personn pa pe trouv mwa.”
To sazes ek to konesans finn met twa dan lerer,Ek to dir dan to leker: “Pena personn kouma mwa, ek apart mwa pena personn.”
11 Me maler pou vinn lor twa,Ek okenn to bann sor pa pou kapav anpes sa.*
Maler pou tom lor twa; to pa pou kapav evit sa.
Enn sel kout enn destriksion kouma zame to pa finn kone avan, pou vinn lor twa.
12 Alor, kontign avek to bann sor ek tou to bann sorselri,Avek ki to’nn fatig twa depi to zenes.
Kitfwa to kapav gagn enn lavantaz;Kitfwa to kapav fer bann dimounn gagn per.
13 To’nn fatige telman to’nn rod konsey avek to bann konseye.
Aster-la les zot dibout ek sov twa,Bann ki ador lesiel,* ki get bann zetwal,Bann ki pandan bann nouvel-linnFer twa konn bann kitsoz ki pou ariv twa.
14 Gete! Zot koumadir lapay.
Enn dife pou bril zot net.
Zot pa pou kapav sov zotmem ar pouvwar laflam.
Bann laflam-la pa kouma sarbon ki servi pou gard so,Ek zot pa kouma enn dife akote ki kapav asize.
15 Se samem ki pou ariv bann longanis,Avek ki to’nn fatig twa depi to zenes.
Zot pou tourn an-ron, sakenn pou al dan so prop direksion.*
Pa pou ena personn pou sap twa.
Not
^ Ouswa kitfwa, “ek mo pa pou montre zantiyes anver bann ki mo zwenn.”
^ Ouswa kitfwa, “Malgre.”
^ Ouswa “Ek to pa pou kone kouma pou detourn sa ar to bann sor.”
^ Ouswa kitfwa, “Bann ki diviz lesiel; Bann astrolog.”
^ Lit., “dan so prop rezion.”
