Izai 49:1-26
49 Ekout mwa zot bann zil,Ek pran kont, zot bann nasion ki bien lwin.
Zeova finn apel mwa avan ki mo ti ne.*
Depi lepok ki mo ti dan vant mo mama li’nn mansionn mo nom.
2 Li’nn fer mo labous vinn parey kouma enn lepe ki bien fite;Li’nn kasiet mwa dan lonbraz so lame.
Li’nn fer mwa vinn enn fles ki poli;Li’nn kasiet mwa dan sak kot li gard so bann fles.
3 Li’nn dir mwa: “To mo serviter, A Izrael,Ek se par to mwayin ki mo pou montre mo laglwar.”
4 Me mo’nn dir: “Mo’nn travay dir pou nanye.
Mo’nn servi mo lafors dan vid pou enn kitsoz ki pa existe.
Me vremem se Zeova ki ziz mwa,*Ek se mo Bondie ki donn mwa mo lapey.”*
5 Ek aster-la Zeova, sa Kikenn ki’nn form mwa depi dan vant pou vinn so serviter la,Inn demann mwa pou fer Zakob retourn ar li,Pou ki rasanble Izrael pre ar li.
Mo pou gagn laglwar devan Zeova,Ek mo Bondie pou vinn mo lafors.
6 Ek li ti dir: “Li pa ase ki to mo serviterPou relev bann tribi ZakobEk re-amenn bann dimounn Izrael ki’nn sape.
Mo’nn osi donn twa kouma enn lalimier pou bann nasion,Pou ki mo delivrans ariv ziska landrwa pli lwin lor later.”
7 Ala seki Zeova, sa Kikenn Ki Reaste Izrael la, sa Kikenn Ki Sin dan Izrael la, dir ar sa kikenn ki bann dimounn meprize la, sa kikenn ki bann nasion deteste la ek ki serviter bann sef:
“Bann lerwa pou trouve ek pou leve,Ek bann prins pou kourbePar respe pou Zeova, ki fidel,Pou sa Kikenn Ki Sin dan Izrael la, ki’nn swazir twa.”
8 Ala seki Zeova dir:
“Dan enn lepok favorab mo’nn reponn twa,Ek dan enn zour delivrans mo’nn ed twa;Mo’nn kontign protez twa pou donn twa kouma enn lalians pou lepep,Pou relev pei-la,Pou fer zot gagn zot leritaz ki ti’nn abandone,
9 Pou dir bann prizonie, ‘Sorti!’
Ek bann ki dan nwarte, ‘Sorti pou ki trouv zot!’
Lor bor bann semin zot pou manze,Toutlong bann semin kot bann dimounn ale-vini* pou ena zot bann patiraz.
10 Zot pa pou ni gagn fin ni gagn swaf,Saler pa pou bril zot ek soley pa pou tap lor zot.
Parski sa Kikenn ki ena pitie pou zot la pou gid zot,Ek li pou amenn zot pre ar bann lasours delo.
11 Mo pou fer tou mo bann montagn vinn bann seminEk mo pou lev mo bann gran semin.
12 Gete! Zot tou pe vini depi bien lwin,Ek gete! Sa bann-la pe vini depi Lenor ek depi Lwes,Ek lot bann-la pe vini depi pei Sinim.”
13 Kriye dan lazwa, twa lesiel, ek ena lazwa, twa later.
Ki bann montagn kriye ar lazwa parski zot bien kontan.
Parski Zeova inn rekonfort so pep,Ek li’nn montre ki li ena pitie pou bann ki pe soufer.
14 Me Sion ti kontign dir:
“Zeova inn abandonn mwa, ek Zeova inn bliye mwa.”
15 Eski enn fam kapav bliye so ti-baba ki ankor pe bwar avek liEk pena pitie pou garson ki sorti dan so vant?
Mem si sa bann fam-la kapav bliye, mwa zame mo pa pou bliye twa.
16 Gete! Mo’nn grav to nom lor pla mo lame.
To bann miray touletan devan mwa.
17 To bann garson pe degaze retourne.
Bann ki’nn kas-kas twa ek detrir twa pou kit twa pou ale.
18 Lev to lizie ek get otour twa.
Zot tou inn rasanble ansam.
Zot pe vinn zwenn twa.
Zeova dir, “Parey kouma mo vivan,To kapav sir ki to pou met zot tou kouma enn linz lor twa parey kouma met bizou,Ek to pou atas zot lor twa parey kouma enn lamarye fer.
19 Mem si bann plas kot to reste ti detrir, ti abandone ek ki to pei ti vinn enn ta ros,Aster-la li pou vinn tro tipti pou bann ki pe res laba,Ek bann ki ti devor twa pou al bien lwin.
20 Bann garson ki ti ne apre ki to bann zanfan ti mor, pou dir,‘Sa plas-la tro tipti pou mwa.
Fer plas pou mo reste.’
21 Ek to pou dir dan to leker,‘Kisann-la ki papa sa bann zanfan ki mo’nn gagne la?
Parski mo enn fam ki’nn perdi mo bann zanfan ek ki pa kapav gagn zanfan.
Parski mo ti enn fam ki ti’nn deporte ek ki ti’nn ale kouma prizonie.
Alor, kisann-la ki’nn elve zot?
Gete! Ti’nn kit mwa tousel,Kot sa bann zanfan-la sorti?’”
22 Ala seki Zeova Segner Siprem* dir:
“Gete! Mo pou lev mo lame dan direksion bann nasion,Mo pou met enn signal lor enn poto pou bann pep.
Zot pou amenn to bann garson dan zot lebra*Ek zot pou sarye to bann tifi lor zot zepol.
23 Bann lerwa pou pran twa swinEk zot bann laprinses pou vinn to bann servant.*
Zot pou kourbe devan twa ek zot figir pou tous later,Ek zot pou lis lapousier ki lor to lipie,Ek vremem to pou kone ki momem Zeova;Bann ki ena lespwar dan mwa pa pou gagn onte.”
24 Eski pou kapav pran avek enn zom for bann ki li’nn fini pran kouma prizonie?
Ouswa eski kapav liber bann prizonie ar enn diktater?
25 Me ala seki Zeova dir:
“Pou mem pran bann prizonie enn zom for,Ek pou liber bann prizonie enn diktater.
Mo pou kont bann ki kont twa,Ek mo pou sap to bann garson.
26 Bann ki maltret twa, mo pou fer zot manz zot prop laser,Zot pou soule ar zot prop disan, parey kouma kan bwar divin dou.
Ek tou bann pep vremem pou kone ki momem Zeova,To sover ek sa Kikenn Ki Reaste twa la,Sa Kikenn Ki Pwisan dan Zakob la.”
Not
^ Lit., “depi ki mo ti dan vant.”
^ Ouswa “Zeova pou fer mwa gagn lazistis.”
^ Ouswa “rekonpans.”
^ Ouswa kitfwa, “bann kolinn kot nanye pa pouse.”
^ Ouswa “Souverin Segner.”
^ Lit., “lor zot lestoma.”
^ Ouswa “pou donn dile to bann zanfan.”
