Izai 50:1-11
50 Ala seki Zeova dir:
“Eski mo ti donn zot mama enn papie divors kan mo ti fer li ale?
Ouswa ar kisann-la mo’nn vann zot pou pey mo bann det?
Gete! Se akoz zot prop erer ki’nn vann zot,Ek akoz zot prop pese ki’nn fer zot mama ale.
2 Alor, kifer personn pa ti la kan mo’nn vini?
Kifer personn pa’nn reponn kan mo’nn apel zot?
Eski mo lame tro kourt pou reaste zot?
Ouswa eski mo pena pouvwar pou sap zot?
Gete! Kan mo kriye mo fer lamer sek;Mo fer bann larivier vinn enn dezer.
Zot pwason pouri parski pena ase delo,Ek zot mor parski zot swaf.
3 Mo abiy lesiel ar nwarte,Ek mo fer enn latwal sak pou kouver zot.”
4 Segner Siprem* Zeova finn donn mwa enn lalang pou koz kouma bann ki gagn lansegnman,*Pou ki mo kone kouma pou dir enn kikenn ki fatige* bann parol ki bizin.*
Toule gramatin li lev mwa;Li ouver mo zorey pou mo kapav tande parey kouma bann ki’nn gagn lansegnman.
5 Segner Siprem Zeova inn ouver mo zorey,Ek mwa mo pa’nn rebele.
Mo pa’nn tourn dan lot direksion.
6 Mo ti donn mo ledo bann ki ti pe bat mwa,Ek mo lazou bann ki ti pe ras mo labarb.
Mo pa ti kasiet mo figir kan zot ti insilte mwa ek kras lor mwa.
7 Me Segner Siprem Zeova pou ed mwa.
Akoz sa, mo pa pou santi mwa imilie.
Akoz sa, mo’nn fer mo figir vinn parey kouma enn ros ki bien dir,Ek mo kone ki mo pa pou gagn onte.
8 Sa Kikenn ki dir ki mo drwat la li pa lwin.
Kisann-la kapav akiz* mwa?
Anou debout ansam.*
Kisann-la ena enn kees kont mwa?
Ki li vinn devan mwa.
9 Gete! Segner Siprem Zeova pou ed mwa.
Kisann-la pou kondann mwa?
Gete! Zot pou ize parey kouma enn linz.
Enn ti-bebet pou manz zot.
10 Kisann-la parmi zot ena enn gran respe pou Zeova,Ek ekout lavwa so serviter?
Kisann-la ki’nn mars dan enn gran nwarte, san okenn lalimier?
Ki li met so konfians dan nom Zeova ek kont* lor so Bondie.
11 “Gete! Zot tou ki pe alim dife,Ki pe fer bann ti labrez anvole,Mars dan lalimier zot dife,Parmi bann ti labrez ki zot inn alime.
Ala seki zot pou gagne ar mo lame:
Zot pou dormi dan enn gran douler.
Not
^ Ouswa “Souverin Segner.”
^ Ouswa “enn lalang ki’nn bien antrene.”
^ Ouswa kitfwa, “pou ankouraz enn kikenn ki fatige par.”
^ Lit., “enn parol.”
^ Ouswa “lager ar.”
^ Ouswa “afront nou kamarad.”
^ Ouswa “apiy li.”
