Izai 53:1-12
53 Kisann-la ki’nn ena lafwa dan seki li’nn tann nou dir?*
Ek ar kisann-la Zeova inn revel so pouvwar?*
2 Li pou vinn kouma enn ti brans devan li,*Kouma enn rasinn ki pe sorti dan enn later ki sek.
Li pena ni okenn bote ni enn zoli laparans;
Ek so laparans pa atir nou ar li.*
3 Bann dimounn ti mepriz li ek ti evit li,Se enn zom ki ti ne pou konn* douler ek maladi.
Se koumadir ti kasiet so figir pou nou pa trouv li.*
Dimounn ti mepriz li, ek nou ti konsider li kouma enn nanye ditou.
4 Vremem, li’nn sarye tou nou bann maladi,Ek sarye nou bann douler.
Me nou ti konsider li kouma enn kikenn ki’nn gagn malediksion,Ki’nn gagn pinision ar Bondie ek ki pe soufer.
5 Li’nn transperse pou nou pese;Ti kraz li akoz nou bann erer.
Li’nn gagn pinision pou ki nou gagn lape,Ek akoz so bann blesir nou’nn gagn gerizon.
6 Parey kouma bann mouton, nou tou nou ti perdi,Sakenn inn swiv so prop semin,Ek Zeova inn fer tou nou pese tom lor li.
7 Finn maltret li ek li’nn aksepte soufer,Me li pa’nn ouver so labous.
Finn amenn li parey kouma enn mouton ki pou al touye,Kouma enn femel mouton ki res trankil devan bann ki pe raz li,Li pa’nn ouver so labous.
8 Ti fer dominer ar li ek ti pran li ti ale san ki ziz li dan enn fason ki zis;Kisann-la pou anvi kone dan ki fami li sorti?*
Parski ti tir li dan pei bann vivan;Ti bat li* akoz pese mo pep.
9 Mem si li pa ti fer okenn move kitsoz*Ek pa ti ena okenn tronpri dan so labous,Ti donn li enn tom* parmi bann move,Ek kan li ti mor ti anter li avek bann ris.*
10 Me sa ti volonte Zeova* ki kraz li, ek li’nn permet ki li soufer.
Si to ofer so lavi kouma enn sakrifis reparasion,Li pou trouv so desandans, li pou viv lontan,Ek gras-a li, bann kitsoz ki fer Zeova plezir* pou realize.
11 Apre ki li’nn pas dan enn gran langwas, li pou satisfe ar seki li trouve.
Gras-a so konesans, sa kikenn ki drwat la, mo serviter,Pou fer ki konsider boukou dimounn kouma drwat,Ek li pou sarye zot bann pese.
12 Akoz sa, mo pou donn li enn par ansam avek boukou dimounn,Ek li pou partaz seki li’nn gagne dan lager avek dimounn ki pwisan,Parski li’nn donn so lavi ziska lamorEk ti konsider li kouma bann dimounn ki fer pese;Li’nn sarye pese boukou dimounn,Ek li’nn pled an faver bann ki fer pese.
Not
^ Ouswa kitfwa, “dan seki nou’nn tande.”
^ Lit., “lebra.”
^ Kitfwa sa fer referans ar enn kikenn ki pe obzerve ouswa ar Bondie.
^ Ouswa “pena nanye spesial dan so laparans ki fer nou kontan li.”
^ Ouswa “ki ti konpran.”
^ Ouswa kitfwa, “Li ti koumadir enn dimounn ar ki nou ti vir nou figir pou nou pa get li.”
^ Ouswa “anvi konn so fason viv?”
^ Ouswa “Ti bat li pou touy li.”
^ Ouswa “Mem si li pa ti fer bann kitsoz violan.”
^ Ouswa “Enn kikenn pou donn li so tom.”
^ Lit., “avek enn zom ris.”
^ Ouswa “Me sa ti fer Zeova plezir.”
^ Ouswa “volonte Zeova.”
