Izai 56:1-12
56 Ala seki Zeova dir:
“Swiv bann prinsip ki zis, ek fer seki drwat,Parski mo delivrans pre pou viniEk pou devwal mo lazistis.
2 Ere enn dimounn ki fer saEk garson enn zom ki trap sa for,Ki fer Saba ek respekte saEk ki fer atansion ar so lame pou ki li pa fer okenn move kitsoz.
3 Enn etranze ki vinn ar Zeova bizin pa dir,‘Vremem Zeova pou separ mwa ar so pep.’
Ek sa zom kastre la bizin pa dir, ‘Gete! Mo enn pie sek.’”
4 Parski ala seki Zeova dir ar bann zom kastre ki fer mo bann Saba, ki swazir seki mo kontan, ek ki res atase ar mo lalians:
5 “Mo pou donn zot enn moniman ek enn nom dan mo lakaz ek dan mo bann miray,Enn kitsoz ki pli bon ki ena bann garson ek bann tifi,Mo pou donn zot enn nom ki pou la pou touletan,Enn nom ki zame pa pou disparet.
6 Ek pou bann etranze ki asosie zot avek Zeova pou servi li,Pou kontan nom Zeova,Ek pou vinn so bann serviter,Tou bann ki fer Saba ek ki respekte saEk ki tini mo lalians bien for,
7 Mo pou fer zot vinn lor mo montagn ki sinEk mo pou ranpli zot ar lazwa dan mo lakaz lapriyer.
Mo pou aksepte zot sakrifis ki brile ek tou zot bann lezot sakrifis ki zot fer lor mo lotel.
Parski pou apel mo lakaz enn lakaz lapriyer pou tou bann pep.”
8 Segner Siprem* Zeova, ki pe rasanble bann dimounn dan Izrael ki’nn disperse, pe dir:
“Mo pou rasanble lezot ar li, ansam avek bann ki’nn deza rasanble.”
9 Zot tou, bann zanimo sovaz ki dan bwa, vinn manze,Wi, zot tou bann zanimo sovaz ki dan lafore.
10 So bann gardien aveg, personn parmi zot pa pe pran kont.
Zot tou kouma bann lisien ki pena lavwa, ki pa kapav zape.
Zot esoufle ek pe alonze; zot kontan dormi.
11 Zot bann lisien voras;Zame zot ase.
Zot bann berze ki pa konpran nanye.
Zot tou zot pe swiv zot prop semin;Zot tou, san exsepsion, pe rod fer bann profi malonet ek pe dir:
12 “Vini, les mo al sers divin,Ek anou bwar ziska ki nou sou ar labwason ki ena lalkol.
Ek demin pou parey kouma zordi, pli bon mem ankor!”
Not
^ Ouswa “Souverin Segner.”
