Izai 6:1-13
6 Dan lane ki Lerwa Ozias ti mor, mo ti trouv Zeova pe asiz lor enn tronn bien ot, ek so long linz ti ranpli tanp.
2 Bann serafin ti pe debout lao li; sakenn ti ena sis lezel. Sakenn ti kouver zot figir avek de lezel, ti kouver zot lipie avek de lezel, ek sakenn ti anvole avek de lezel.
3 Ek sakenn ti pe dir zot kamarad bien for:
“Zeova Sef bann larme, li sin, sin, sin.
Later antie ranpli avek so laglwar.”
4 Ek son zot lavwa* ti fer bann lankadreman laport tranble, ek lakaz-la ti ranpli ar lafime.
5 Lerla mo ti dir: “Maler lor mwa!
Mo koumadir enn dimounn mor,*Parski bann parol ki sorti dan mo labous zot inpir,Ek mo viv parmi enn pep ki ena bann parol ki inpir;Parski mo lizie inn trouv Lerwa, Zeova Sef bann larme limem!”
6 Apre sa, enn parmi bann serafin-la ti anvol dan mo direksion ek dan so lame ti ena enn labrez ki li ti’nn pran avek bann pins lor lotel.
7 Li ti tous mo labous avek sa ek ti dir:
“Gete! Sa inn tous to lalev.
Alor, to nepli koupab,Ek to pese inn pardone.”
8 Apre mo ti tann lavwa Zeova dir: “Kisann-la mo pou avoye, ek kisann-la ki pou al pou nou?” Ek mo ti dir: “Ala mo la! Avoy mwa!”
9 Ek li ti reponn: “Ale, ek dir sa pep-la:
‘Zot pou kontign tande,Me zot pa pou konpran;Zot pou kontign trouve,Me zot pa pou aprann nanye.’
10 Fer leker sa pep-la vinn dir kouma ros,Fer zot zorey vinn sourd,Ek kol zot lizie,Pou ki zot pa trouve,Ek zot pa tande,Pou ki zot leker pa konpran,Ek zot pa retourn ar mwa ek gagn gerizon.”
11 Lerla mo ti dir: “Ziska kan, A! Zeova?” Ek li ti dir:
“Ziska ki bann lavil detrir net, ki pena okenn abitan,Ki pena personn dan bann lakaz,Ek ki pei-la detrir ek abandone;
12 Ziska ki Zeova fer bann dimounn al bien lwinEk ki enn bon parti pei-la abandone net.
13 “Me pou ena ankor enn tigit* dimounn ki pou res dan pei-la, selman zot pou brile ankor enn fwa, zot pou vinn parey kouma enn siko ki’nn reste apre ki’nn koup enn gran pie ek enn pie senn, ek enn bourzon* sin pou sorti dan sa siko-la.”
Not
^ Lit., “lavwa sa kikenn ki ti pe dir avek enn lavwa bien for la.”
^ Lit., “Inn fer mwa res trankil.”
^ Ouswa “enn diziem.”
^ Ouswa “desandans.” Lit., “lagrin.”
