Izai 63:1-19
63 Kisann-la ki pe vini depi Edom,Depi Bosra avek bann linz ki ena bann kouler vif,*Sa kikenn avek bann zoli linz la,Ki pe marse avek so gran pouvwar?
“Se mwa, sa Kikenn ki pe koze avek lazistis la,Sa Kikenn ki ena enn gran pouvwar pou sov bann dimounn la.”
2 Kifer to linz rouz,Ek kifer to linz parey kouma bann ki kraz rezin?
3 “Mo’nn kraz rezin dan basin divin mo tousel.
Personn parmi lepep pa ti avek mwa.
Dan mo koler mo’nn kontign mars lor zot,Ek mo’nn kontign kraz zot dan mo gran koler.
Zot disan ti fann lor mo linz,Ek tou mo linz ti’nn tase.
4 Parski mo’nn fixe zour vanzans,Ek lane pou bann ki mo’nn reaste inn vini.
5 Mo’nn gete, me pa ti ena personn pou ed mwa;Mo’nn etone ki personn pa’nn propoz pou donn so led.
Alor se mo lebra ki’nn delivre mwa,*Ek se mo gran koler ki’nn soutenir mwa.
6 Dan mo koler, mo’nn mars lor lepep,Mo’nn fer zot sou avek mo gran kolerEk mo’nn vers zot disan lor later.”
7 Mo pou koz lor bann kitsoz ki Zeova inn fer pou montre so lamour fidel,Bann kitsoz ki Zeova inn fer ki merit louanz,Akoz tou seki Zeova inn fer pou nou,Tou bann bon kitsoz ki li’nn fer pou pep Izrael,An-akor avek so gran mizerikord* ek so gran lamour fidel.
8 Parski li ti dir: “Pena dout ki zot mo pep, mo bann garson ki pa pou vinn infidel.”*
Lerla li’nn vinn zot sover.
9 Pandan tou zot soufrans, li osi li’nn soufer.
Ek so mesaze personel* ti sov zot.
Dan so lamour ek so konpasion li ti reaste zot,Ek pandan tou sa bann lane ki’nn pase la li ti lev zot ek li ti sarye zot.
10 Me zot ti rebel kont li ek zot ti fer so lespri sin lapenn.
Alor li ti vinn zot lennmi,Ek li ti lager kont zot.
11 Ek zot ti rapel lepok lontan,Lepok Moiz so serviter:
“Kot sa Kikenn ki ti fer zot travers lamer avek bann berze ki ti diriz so troupo la?
Kot sa Kikenn ki ti met So lespri sin dan li la?
12 Kot sa Kikenn ki ti fer so lebra for akonpagn lame Moiz la?
Kot sa Kikenn ki ti separ lamer an-de devan zot laPou ki rekonet so nom pou touletan?
13 Kot sa Kikenn ki ti fer zot mars atraver bann delo profon,*Pou ki kan zot marse zot pa tonbe,Parey kouma enn seval dan laplenn?*
14 Parey kouma bann troupo ki gagn repo dan bann gran laplenn,Lespri Zeova ti fer zot repoze.”
Se koumsa ki to ti diriz to pep,Pou fer twa gagn enn gran nom.
15 Depi lesiel get anba,Gete depi to plas extraordiner ki sin ek ki ranpli ar laglwar.*
Kot to gran lintere pou nou ek kot to lafors?
Kot to gran konpasion* ek to mizerikord?
To pa pe donn mwa tousala.
16 Parski to nou Papa;Mem si Abraam li pa konn nouEk Izrael li pa rekonet nou,Twa, A Zeova, to nou Papa.
Sa Kikenn Ki Reaste nou la, samem to nomEk to’nn reaste nou depi lontan.
17 Kifer, A Zeova, to’nn les* nou al lwin ar to bann semin?
Kifer to’nn les* nou leker vinn dir, pou ki nou nepli ena okenn respe pou twa?
Retourne, akoz to bann serviter,Bann tribi ki to leritaz.
18 Sa pei-la ti pou to pep ki sin pandan enn tigit letan.
Nou bann lennmi inn mars lor to tanp.
19 Parski pandan tro lontan nou’nn vivKouma bann dimounn lor ki zame to’nn dirize,Kouma bann ki zame inn port to nom.
Not
^ Ouswa kitfwa, “rouz vif.”
^ Ouswa “donn mwa laviktwar.”
^ Get Lexplikasion Bann Mo.
^ Ouswa “fer tret.”
^ Ouswa “anz ki ti sorti devan li.”
^ Lit., “bann gro vag delo.”
^ Ouswa “dezer.”
^ Ouswa “ki zoli.”
^ Lit., “Kot seki vir to andan.”
^ Ouswa “fer.”
^ Lit., “fer.”
