Izai 9:1-21
9 Selman, nwarte-la pa pou parey kouma kan pei-la ti dan tristes, kouma avan kan ti mepriz teritwar Zabilon ek teritwar Neftali. Me Li pou fer an-sort ki plitar pei-la—semin ki trouv pre ar lamer dan rezion Zourdin, dan teritwar Galile kot bann etranze reste—gagn loner.
2 Bann dimounn ki ti pe mars dan nwarInn trouv enn gran lalimier.
Ek pou bann ki ti pe res dan pei kot ena enn gran lonbraz,Lalimier inn ekler zot.
3 To’nn fer nasion-la vinn boukou;To’nn fer li gagn enn gran lazwa.
Zot dan lazwa devan twaParey kouma bann dimounn dan lazwa pandan lepok rekolt,Parey kouma bann dimounn ki partaz seki zot inn gagne dan lager, dan lazwa.
4 Parski to finn kraz bout-bout fardo ki pez lor zot,Baton ki lor zot zepol, baton zot bann responsab travay,Parey kouma dan lepok Madian.
5 Tou bot ki fer later tranble kan li marseEk tou linz ki’nn tranpe dan disanPou servi sa pou fer dife.
6 Parski enn zanfan inn ne pou nou,Inn donn nou enn garson;Ek responsabilite pou dirize* pou lor so zepol.
Ek pou apel li Konseye Extraordiner, Bondie For, Papa Eternel, Prins Lape.
7 So regn* pou kontign ogmanteEk lape, zame pa pou finiLor tronn David ek lor so rwayom.
So rwayom pou stab ek forGras-a lazistis ek ladrwatir,Depi aster-la mem ek pou touletan.
Zeova Sef bann larme ena enn gran dezir pou fer sa.
8 Zeova inn avoy enn parol kont Zakob,Ek parol-la inn tom lor Izrael.
9 Ek lepep an-antie pou konn sa,Efraim ek bann abitan Samari,Ki pe dir avek enn leker ranpli ar lorgey ek larogans:
10 “Bann lakaz zot blok inn tonbe,Me nou pou aranz zot avek bann ros ki’nn taye.
Inn koup bann pie sikomor,Me nou pou ranplas zot avek bann pie sed.”
11 Zeova pou fer bann lennmi Rezinn dres kont li*Ek li pou pous so bann lennmi pou azir,
12 Siri depi Les ek Filisti depi Lwes,*Zot pou devor Izrael avek zot labous gran ouver.
Akoz tousala, so koler pa’nn diminie,Ek so lame ankor leve pou tap zot.
13 Parski lepep pa’nn retourn ar sa Kikenn ki tap zot la;Zot pa’nn rod Zeova Sef bann larme.
14 Dan enn sel zour, Zeova pou tir dan IzraelLatet ek lake, bourzon ek long lerb.*
15 Latet reprezant bann ansien ek bann dimounn ki lezot bien respekte,Ek lake reprezant bann profet ki pe donn bann fos linstriksion.
16 Bann ki pe diriz sa pep-la pe fer zot tourn an-ron,Ek bann ki pe les zot dirize, zot dan konfizion.
17 Ala kifer Zeova pa pou kontan zot bann zennzan,Ek li pa pou ena pitie pou zot bann orfelin* ek zot bann vev,Parski zot tou inn rebel kont Bondie* ek pe fer seki moveEk tou bann labous pe dir bann koze ki pena sans.
Akoz tousala, so koler pa’nn diminie,Ek so lame ankor leve pou tap zot.
18 Parski bann move kitsoz pe brile kouma enn dife,Ki pe devor bann touf pikan ek bann move-zerb.
Zot pou met dife dan bann touf dan lafore,Ek zot pou vinn bann niaz lafime ki pou monte.
19 Dan gran koler Zeova Sef bann larmeInn met dife dan pei-la,Ek dife-la pou bril lepep.
Personn pa pou ena pitie pou so prop frer.
20 Enn pou koup dan kote drwat,Me li pou kontign gagn fin;Ek enn pou manz dan kote gos,Me so vant pa pou plin.
Sakenn pou devor laser so prop lebra,
21 Manase pou devor Efraim,Ek Efraim pou devor Manase.
Ansam zot pou al kont Zida.
Akoz tousala, so koler pa’nn diminie,Ek so lame ankor leve pou tap zot.
Not
^ Ouswa “Ek gouvernman; responsabilite pou dirize kouma enn prins.”
^ Ouswa “gouvernman; responsabilite pou dirize kouma enn prins.”
^ Setadir, Izrael.
^ Lit., “depi par deryer.”
^ Ouswa kitfwa, “brans palmis ek rozo.”
^ Ouswa “bann zanfan ki pena papa.”
^ Ouswa “zot bann aposta.”
