1. Kan nou’ankouraz nou bann frer ek ser

Pou krwar ek pou servi Bondie,

Nou lamour vinn ankor pli sinser;

Ek sa fer nou viv dan lape.

Lamour pous nou pou fer bann aksion,

Donn nou kouraz pou andire.

Nou refiz se nou kongregasion,

Se la kot nou’an sekirite.

2. Enn bon parol dan ler ki bizin,

Sa vremem resof nou leker.

Bann mo ki tous nou, fer nou dibien,

Nou tann sa zis ar nou bann frer.

Enn plezir pou travay kot-a-kot

Ar bann ki partaz mem lespwar!

Sakenn fer tou pou fortifie lot,

Ed nou frer, sa li nou devwar.

3. Avek lizie lafwa nou trouve

Ki zour Jéhovah pe koste.

Alor, fode ki nou rasanble,

Ek mars ansam avek Bondie.

Avek pep Bondie nou res soude,

Servi Li pou leternite.

Anou fer tou pou ankouraze

Ek pou gard nou lintegrite.