1. Gete, lev to lizie,

Pli lao ki bann kolinn.

Laba to pou kapav trouv

Gran montagn Jéhovah.

Ver li, zot tou ale,

Dan tou pei zot sorti,

Sakenn pe dir: “Vini, vinn

Loue Bondie Jéhovah.”

Aster inn ariv ler

Pou bann tigit vinn enn gran nasion.

Gran progre nou finn fer,

Bondie donn nou so benediksion.

Boukou pe vinn ver Li,

So Rwayom zot aksepte,

Promet pou servi Li,

Ek pou res dan so kote.

 2. Jésus dir nou ale,

Al pres dan lemond antie.

Nouvel lor Rwayom Bondie,

Tou dimounn pe tande.

Aster Christ pe regne,

Dir zot vinn dan so kote,

Ena lakrint pou Bondie,

So Parol aksepte.

Devan nou de lizie,

Nou trouv gran lafoul pe ogmante!

Sa rann nou bien zwaye

Pou ed lezot pou konn vre Bondie.

Anou lev nou lavwa,

Dir for pou zot tou tande:

“Vinn lor montagn Jéhovah

Kot zot kapav reste.”