1. Jésus ansegn nou kouma bizin prese.

Ala seki li’nn dir nou fer:

‘Lakaz par lakaz, zot bizin al rode

Tou dimounn ki pe rod vre boner.

Devan sak lakaz dir tou dimounn bonzour,

Ki tou bann ki dign zot gagn lape!

Si zot pa kontan ekoute, an-retour,

Sakouy lapousier lor to lipie.’

2. “Tou bann ki’akey zot, mo’akey zot mwa osi,”

Ala seki’nn dir nou Segner.

Zot bon latitid pou fer zot gagn lavi

Ek Bondie pou ouver zot leker.

Si to pa kone ki pou dir, pa gagn per,

Jéhovah pa pou les twa tousel.

Si to anvi tous leker bann ki sinser,

To parol bizin ena disel.