Kantik 65
Samem Sa Semin-La
1. Ena enn bon semin,
Samem semin lape.
Se enn semin ki to’nn aprann,
Ki to’nn kone.
Depi ki to finn tann
Jésus Christ so lavwa,
To pe swiv sa semin
Ki Bondie montre twa.
(REFRIN)
Samem Semin; Samem Semin lavi.
Pa perdi li ek zame pa kit li!
Deryer twa to pe tann enn lavwa;
Bondie dir twa: ‘Samem sa Semin-la.’
2. Ena enn bon semin,
Samem semin lamour.
Pou nou trouv sa nou pa bizin
Fer gran letour.
Swiv Bondie parski so
Lamour li gran ek vre.
Samem semin lamour
Pou tou lemond antie.
(REFRIN)
Samem Semin; Samem Semin lavi.
Pa perdi li ek zame pa kit li!
Deryer twa to pe tann enn lavwa;
Bondie dir twa: ‘Samem sa Semin-la.’
3. Ena enn bon semin,
Samem semin lavi.
Pa bizin rod bien lwin,
Se enn semin beni.
Sa semin-la amenn lamour,
Amenn lape.
Samem semin
Ki Bondie Jéhovah montre.
(REFRIN)
Samem Semin; Samem Semin lavi.
Pa perdi li ek zame pa kit li!
Deryer twa to pe tann enn lavwa;
Bondie dir twa: ‘Samem sa Semin-la.’
(Get osi Ps. 32:8; 139:24; Prov. 6:23.)
